FLASH
Shkruar nga Pamfleti
Mes objekteve të gjetura ishte një fotografi e nënshkruar nga Mbretëresha Elizabeth II dhe Princi Philip, e vitit 2002.
Vijojnë të dalin detaje nga jeta luksoze e Bashar al- Assad. Rebelët kanë hyrë te dhoma e thesarit dhe aty kanë gjetur objekte nga më të ndryshmet. Atje ata kanë zbuluar një foto me nënshkrimin e Mbretëreshës, piktura – madje edhe një çmim të FIFA-s.
Tirani Assad u largua nga Siria ndërsa rebelët e udhëhequr nga islamistët hynë në Damask. E ndërsa është larguar nga Siria drejt Rusisë, bashar al-Assad nuk ka mundur të marrë me vete disa nga pasuritë e tij më të çmuara.
Pallati presidencial i Asadit u plaçkit, grabitësit morën pasuritë e tij dhe gruas së lindur në Britaninë e Madhe, Asma. Luftëtarët rebelë kaluan tashmë kanë në duar suveniret personale të tiranit, që i gjetën në Pallatin e njohur si Qasr al-Shaab – ose “Pallati i Popullit”.
Këtu u gjetën një sërë sendesh të çuditshme që lideri i përmbysur dhe gruaja e tij lanë pas, para se të iknin në Rusi, ku iu dha azili politik nga Vladimir Putin.
Një imazh tregon një dhomë të mbushur me piktura dhe vepra të ndryshme arti, me rafte të mbushura me skedarë, kuti, madje edhe vazo. Mes objekteve të gjetura ishte një fotografi e nënshkruar nga Mbretëresha Elizabeth II dhe Princi Philip, e vitit 2002, raporton "The Sun".
Një tjetër artikull është një çmim i artë i FIFA-s, i montuar në një pllakë druri. Ky çmim i vitit 2005 iu dha ekipit kombëtar të Sirisë “për të përkujtuar pjesëmarrjen e saj në Kampionatin Botëror të të Rinjve në Holandë”.
Floriri dukej se ishte i preferuari për Asadin, me pjata, sëndukë apo kuti të ndryshme që dukeshin të gjitha të bëra nga materiali ultra luksoz, apo të veshur me ar.
Rezidenca e vëllait të tij, gjeneral-major Maher al-Assad, i cili drejtonte një njësi të ushtrisë siriane, u kthye gjithashtu.
Pamjet treguan atë që dukej të ishte një rrjet tunelesh nën të me tavane me hark të lartë, dyer elektronike dhe dhoma, duke përfshirë një kuzhinë të kompletuar plotësisht me kanaçe Pepsi dhe çaj Tetley.
Lini një Përgjigje