FLASH
Shkruar nga Pamfleti
Biden dhe Zonja e parë sapo kishin dalë nga selia e fushatës, nuk patën asnjë lëndim.
Një makinë është përplasur me një autokolonë që ishte pjesë e stafit të sigurisë së Presidentit amerikan Joe Biden. Biden dhe Zonja e Parë Jill Biden sapo ishin larguar nga selia e tij e fushatës kur ndodhi përplasja. Sipas Shtëpisë së Bardhë nuk pësuan lëndime pas incidentit.
Presidenti amerikan dhe Zonja e Parë kishin dalë nga selia e Biden-Harris 2024 në qendër të qytetit në Wilmington, pas një takimi me anëtarët e ekipit të tij.
Një makinë me targa Delaware goditi autokolonën e Presidentit amerikan në kryqëzimin përballë hyrjes së selisë së fushatës. Pamjet tregojnë agjentë të shërbimit sekret që shoqëronin Biden në makinën e tij pas përplasjes.
Makina e cila pësoi dëmtime në pjesën e përparme dhe në pak sekonda u rrethua nga oficerët e sigurisë, ndërsa Biden dhe bashkëshortja e tij u kthyen të sigurt në shtëpinë e tyre në Wilmington pas incidentit.
Mbetet e paqartë nëse ngjarja ishte aksident apo e qëllimshme.
Lini një Përgjigje