FLASH
Shkruar nga Pamfleti
Presidenti francez Emmanuel Macron dhe presidenti kinez Xi Jinping diskutuan të hënën për krizën në Lindjen e Mesme dhe në Ukrainë.
Të dy liderët shkëmbyen mendime mbi luftën në Rripin e Gazës, ndërsa Macron prezantoi përpjekjet e vendit të tij për lirimin e pengjeve të mbajtura nga Hamasi.
Ai gjithashtu e informoi presidentin kinez për iniciativat e Francës që synojnë paqen dhe sigurinë në rajon, luftën kundër organizatave terroriste, dhënien e ndihmës për civilët e Gazës dhe nisjen e një procesi që synon krijimin e dy shteteve në rajon.
Lufta në Ukrainë
Presidenti francez shprehu gjithashtu mbështetjen e Francës për Ukrainën kundër agresionit të Rusisë, por edhe shqetësimin e tij për bashkëpunimin ushtarak të Rusisë me Korenë e Veriut.
Presidenti francez, siç thuhet në njoftim, u kërkoi autoriteteve kineze të ruajnë kanalet e dialogut me Kievin.
Kina zotohet të reduktojë përdorimin e karburanteve fosile
Të dy presidentët diskutuan gjithashtu çështjen e ngrohjes globale dhe sipas Elysee, Kina u zotua të mos financojë më impiantet e eksportit të qymyrit jashtë vendit dhe të vazhdojë me reduktimin gradual të përdorimit të lëndëve djegëse fosile në territorin e saj.
Më në fund, përpara 60-vjetorit të vendosjes së marrëdhënieve diplomatike midis Kinës dhe Francës, të dy presidentët ranë dakord të ruajnë vrullin e krijuar pas vizitës së fundit të Macron në Pekin.
Lini një Përgjigje