FLASH
Shkruar nga Pamfleti
Presidenti i Kolumbisë, Gustavo Petro, ka mbërritur në Shtëpinë e Bardhë në Uashington, ku është takuar me Presidentin e Shteteve të Bashkuara, Donald Trump, në një takim diplomatiko-politik që shënon një mundësi për rivendosjen e dialogut mes dy vendeve pas një periudhe të gjatë tensionesh.
Takimi i së martës është hera e parë që dy udhëheqësit takohen ballë për ballë që kur Trump u rikthye në detyrë, në mes të një marrëdhënieje që ka kaluar nëpër periudha të vështira.
Marrëdhëniet mes SHBA dhe Kolumbisë u përkeqësuan vitin e kaluar, përfshirë akuzat e Trump ndaj Petros për aktivitet në trafikun e drogës dhe vendosjen e sanksioneve, përfshirë heqjen e vizës për presidentin kolumbian dhe pjesëtarë të familjes së tij.
Ftesa për takimin erdhi pas një telefonate njëorëshe midis dy udhëheqësve, ku u diskutua situata e drogës dhe mosmarrëveshje të tjera dypalëshe, çka iu dha hov një uljeje të tensioneve dhe çoi në organizimin e këtij takimi në Uashington.
Në fokus të bisedimeve pritet të jenë bashkëpunimi në luftën kundër narkotikëve dhe çështjet e sigurisë rajonale, ndërsa dy vendet kërkojnë të ringjallin marrëdhëniet e tyre tradicionale strategjike pas mosmarrëveshjeve të fundit.
Takimi vjen gjithashtu në një kohë kur tensionet rajonale janë rritur pas operacioneve ushtarake në Venezuelë nga ana e SHBA-së dhe kritikave të Petro ndaj politikave të Uashingtonit.
Lini një Përgjigje