FLASH
Shkruar nga Pamfleti
Moti i keq dhe reshjet e dendura në 24 orët e fundit kanë paralizuar Greqinë. Situata e shkaktuar nga stuhia “Daniel” paraqitet tepër dramatike, me lumenjtë të cilët kanë vërshuar nëpër rrugët e qyteteve dhe fshatrave duke përmbytur dhe marrë përpara gjithçka. Deri më tani janë regjistruar 3 viktima, mes të cilëve dhe një shqiptar.
Situata emergjente ka detyruar që të ndalohet lëvizja e trenave dhe bllokimi i disa rrugëve kryesore deri ditën e nesërme. Kompania greke Hellenic Train ka informuar se për shkak të dukurive të forta të motit, qarkullimit hekurudhor Lianokladi-Larisa do të mbyllet deri nesër të enjten me datë 09.07.2023.
Τώρα στην Αθήνα #κακοκαιρια pic.twitter.com/Uvk17121sJ
— Dimitris Keramidas (@dimkeramidas) September 6, 2023
Gjithashtu dëme të mëdha janë shkaktuar dhe në zonën e Volos, ku ekipet e shpëtimit kanë zhvilluar operacione të shumta shpëtimi, duke u përpjekur të lokalizojnë personat e bllokuar nëpër shtëpitë e përmbytura.
Siç raportojnë mediat grek, me ardhjen e natës situata bëhet më e vështirë për ekipet e emergjencës, të cilët alarmojë me bilbil njerëzit që mund të jenë në nevojë.
Stuhia "Daniel" krijon probleme serioze në qytetin e Lamisë por edhe në Kardicë. Në Lamia, rrugët qendrore u kthyen në lumenj dhe u mbushën me gurë dhe materiale të ndryshme, duke bërë të pamundur qarkullimin në shumë vende.
Ελλάς το μεγαλείο σου.
— Areti Athanasiou (@AretiAthanasiu) September 6, 2023
Το επιτελικό κράτος εν δράσει...
Ευαγγελισμός, πριν μια ώρα.
Υπάρχουν ευτυχώς άνθρωποι που απλώνουν το χέρι στον συνάνθρωπό τους που κινδυνεύει. Και τον σώζουν. pic.twitter.com/QthlKSPr4v
Sipas lamiareport.gr, janë shkatërruar shtëpi dhe biznese, ku zjarrfikësit nuk kanë pasur kohë t'i përgjigjen thirrjeve të vazhdueshme të qytetarëve. Dëme të rënda janë shkaktuar edhe në qytetin e Tempos, ku dëme të mëdha kanë pësuar qindra kilometra rrugë rurale, mijëra hektarë kultura patate dhe fasule dhe kultura bajame, pjeshkë, rrush pa fara dhe gështenja.
Sipas ERT, kryebashkiaku i Tembos, Georgios Manolis, ka vizituar të gjitha zonat për të parë dëmet. Bashkia Tempo i ka kërkuar Mbrojtjes Civile dhe Qarkut të Thesalisë shpalljen e gjendjes së jashtëzakonshme.
Sipas raportimve nga bashkia Tempo përllogaritet që një milion hektarë tokë bujqësore e mbjellur ndodhet aktualisht nën pushtetin e ujit.
#AlphaNews: Βίντεο, από την περιοχή Ευαγγελισμός, στο Κέντρο της Αθήνας.#alphatv #κακοκαιρια pic.twitter.com/KQBHHXqaAK
— ALPHA TV (@alphatvgreece) September 6, 2023
Gjithashtu ndër zonat më të prekura janë dhe qytetet Epidaurus dhe Hermionida, për të cilat kryebashkiakët paraqitën kërkesën për shpalljen e gjendjes së jashtëzakonshme.
Lini një Përgjigje