FLASH
Shkruar nga Pamfleti
Organizatori i sulmit në Banjskë, Milan Radoiçiç, del të jetë njëri prej njerëzve më të pasur në rajon, sipas listës të publikuar nga media serbe “Nedeljnik” me 100 biznesmenët më të pasur.
Pasuria e majme e tij kap vlerën prej 426,663,176 milionë euro bashkë me Zvonko Veselinoviq, të dy të sanksionuar nga Shtetet e Bashkuara të Amerikës.
Megjithatë, vitin e kaluar raportohet se Radoiçiq e Veselinoviqi kanë humbur 108.5 milionë euro. Pasuria e tyre është matur nga të dhënat mbi vlerën e kompanisë “Inkop”. Ata ishin të dy pronarë të kësaj kompanie, por vitin e kaluar Radoiçiq pati njoftuar se ka tërhequr aksionet e tij nga ajo dhe katër kompani të tjera.
Në listë, ata janë veçuar si biznesmenë serbë të afërt me pushtetin.
“Inkop” e ka mbyllur vitin 2022 me fitim neto prej 17.3 milionë euro, e 2021-shin me 15,2 milionë.
Radoiçiç organizoi sulmin e 24 shtatorit në Banjskë të Zveçanit. Në luftimet e grupit serb me Policinë e Kosovë, mbeti i vrarë rreshteri Afrim Bunjaku. U vranë edhe tre sulmues serbë.
Lista me 100 biznesmenët më të pasur në rajon sipas “Nedeljnik”:
Lini një Përgjigje