FLASH
Shkruar nga Pamfleti
Kryeministri hungarez Viktor Orban ka mbështetur ditën e sotme ish-presidentin e SHBA-së, Donald Trump, duke i thënë që të “vazhdojë luftën”.
Trump po përballet me akuza për pagesa sekrete gjatë fushatës zgjedhore të 2016-ës.
“Vazhdoni të luftoni, zoti President. Ne jemi me ju”, tha Orban, transmeton Associated Press.
Orban ishte lideri i parë kombëtar evropian që mbështeti kandidaturën presidenciale të Trump në vitin 2016, të cilën ai e bëri katër vjet më vonë.
Gjatë zgjedhjeve parlamentare hungareze të vitit të kaluar, Trump e përshkroi Orbanin si një lider të fortë që e do vërtet vendin e tij dhe i dha atij merita për luftën kundër emigrantëve të paligjshëm.
Ndërkohë ju rikujtojmë se Donald Trump, është paditur tashmë, duke shënuar histori si ish-presidenti i parë amerikan që përballet me akuza mbi çështje. Një juri në Manhatan ka votuar për të paditur Doland Trump, nën akuza që kanë të bëjnë me pagesat e bëra gjatë fushatës presidenciale të vitit 2016 për të blerë heshtjen e një aktoreje të filmave pornografikë lidhur me pretendimet për mardhënie jashtëmartesore.
Zyra e Prokurorit të Qarkut të Manhatanit ka hetuar ish-presidentin për ngjarjen që lidhet me pagesën prej 130.000 dollarësh ndaj yllit të pornos Stormy Daniels që të heshte pasi kaluan natën bashkë. Kjo është hera e parë në historinë amerikane që një president aktual ose ish-president do të përballet me akuza penale.
Lini një Përgjigje