FLASH
Shkruar nga Pamfleti
BE nuk është në gjendje të financojë përpjekjet ushtarake të Ukrainës pasi ndihma financiare e SHBA nuk është më e garantuar, tha të martën kryeministri hungarez Viktor Orban, pasi udhëheqësit e 26 vendeve të BE nënshkruan një deklaratë që shprehin mbështetjen e tyre për Ukrainën pa Hungarinë.
Orban, një aleat i Presidentit Donald Trump, i cili gjithashtu po kultivon marrëdhënie me Moskën, i tha radios shtetërore se qeveria e tij do të fillonte një "konsultim publik" për anëtarësimin e Ukrainës në BE.
Megjithatë, Orban, i cili ka refuzuar të dërgojë armë në Ukrainë që nga fillimi i luftës dhe mban marrëdhënie të ngushta me Moskën, tha se, në vend që të zgjasë luftën, Evropa duhet të mbështesë bisedimet e paqes të Trump.
Ai argumentoi se mënyra se si BE-ja tani dëshiron të mbështesë Ukrainën, duke rritur gjithashtu shpenzimet e mbrojtjes të Evropës, do ta "shkatërrojë Evropën".
Udhëheqësit evropianë miratuan planet të enjten për të rritur shpenzimet e mbrojtjes dhe për të vazhduar mbështetjen e Ukrainës.
Në samitin e mbajtur në Bruksel me liderë e BE-së, Zelensky, u bëri thirrje udhëheqësve evropianë që ta detyrojnë Kremlinin që të ndalë sulmet ajrore dhe detare ndaj Ukrainës, si një hap drejt përparimit te negociatave për paqe.
Pas takimit të krizës në Paris dhe Londër, samiti i 6 marsit u përqëndrua në planin që përfshin një forcim të madh të mbrojtjes ajrore, artilerisë dhe “aftësive për sulme precize”. Plani kërkon rritjen e shpenzimeve të mbrojtjes për 800 miliardë euro, teksa Shtetet e Bashkuara kanë pezulluar ndihëm për Ukrainën dhe kanë sinjalizuar se Evropa duhet të luajë rol më të madh për sigurinë e saj.
Ndërkohë, zëdhënëse e qeverisë franceze i tha gazetarëve se presidenti Emmanuel Macron po shqyrtonte një vizitë të përbashkët në Uashington me Zelenskyn dhe kryeministrin britanik Keir Starmer. Deri tani, Britania e Madhe dhe Franca kanë thënë se janë gati të dërgojnë trupa në terren. Starmer tha në Londër se edhe shtete të tjera janë angazhuar, por refuzoi t’i emëronte ato.
Lini një Përgjigje