FLASH
Shkruar nga Pamfleti
Mungesa e një marrëveshje mes Izraelit dhe Hamasit për të shkëmbyer pengjet ka shkaktuar pa kënaqësi në radhët e izraelitëve që kërkojnë kthimin e familjarëve.
Edhe opozita izraelite ka dalë kundër politikës së Netanyahut. Ishte vetë udhëheqësi i opozitës izraelite Yair Lapid i cili akuzoi qeverinë se nuk po bën mjaftueshëm për të rikthyer pengjet.
Duke folur me politikanët në vend sot, Lapid tha se pengjet duhej të ktheheshin në shtëpi menjëherë.
“Sinwar mund të vritet edhe muajin tjetër. Ne nuk po bëjmë sa duhet. Ne duhet të bëjmë gjithçka dhe do të bëjmë gjithçka për t'i rikthyer ata, të gjithë", tha ai.
Kujtojmë se më herët Netanyahu tha se Izraeli nuk do të ketë sukses në lirimin e pengjeve të mbetura të mbajtura në Gaza pa presion ushtarak.
"Ne nuk do të kishim arritur deri tani të lironim më shumë se 100 pengje pa presion ushtarak. Dhe ne nuk do të kemi sukses në lirimin e të gjithë pengjeve pa presion ushtarak", tha ai.
Lini një Përgjigje