FLASH
Shkruar nga Pamfleti
Autoritetet turke kanë arrestuar 34 persona të dyshuar për lidhje me Shtetin Islamik.
Ministri i Brendshëm i Turqisë, Ali Yerlikaya, njoftoi se arrestimet janë kryer gjatë një operacioni të gjerë kundër grupit militant.
Së fundmi në Turqi janë shtuar operacionet kundër Shtetit Islamik, pas ngjarjes ku një person u vra brenda një kishe në Stamboll një javë më parë.
Të gjithë të arrestuarit e operacionit janë shtetas të huaj, të shpallur në kërkim nga Interpoli.
Një operacion i tillë është organizuar edhe të premten, ku autoritetet turke kanë arrestuar 25 persona, të dyshuar për të njëjtën ngjarje.
Sipas ministrit turk të Drejtësisë, Yilmaz Tunc, në mesin e të arrestuarve janë edhe dy sulmuesit e dyshuar, që paraprakisht ishin kapur nga policia.
Të dyshuarit kryesorë janë shtetas të huaj, njëri nga Taxhikistani dhe tjetri nga Rusia.
Lini një Përgjigje