FLASH
Shkruar nga Pamfleti
Nuk ka fitues në “Etihad Stadium”. Ndeshja mes Mançester Sitit dhe Realit të Madridit është mbyllur në barazim 1-1, duke bërë që ky takim të shkojë në shtesë.
Madrilenët zhbllokuan ndeshjen në minutën e 12. Kundërsulm perfekt i madrilenëve me brazilianin Rodrigo i cili mposhti portierin Ederson.
Në minutën e 76 ishte “magjistari” belg, De Brojne i cili dërgoi topin në rrjetën e spanjollëve.
Doku pasoi në qendër ku Rudiger nuk largoi siç duhej topin dhe e dërgoi te belgu, i cili nuk gaboi duke barazuar shifrat.
Ndeshja e parë mes këtyre dy skuadrave e luajtur në "Santiago Bernabeu" kishte përfunduar në barazim 3-3.
Në ndeshjen tjetër, Bajerni i Mynihut është kualifikuar në gjysmëfinale, pasi ka mposhtur me rezultatin minimal 1-0 Arsenalin.
Bavarezët realizuan golin që i dha kualifikimin në minutën e 63. Skemë tipike bavareze. Krosimi nga krahu i majtë i Guerreros gjeti Kimmish në zonë, i cili goditi fuqishëm me kokë.
Në gjysmëfinale, Bajerni i Mynihut do të ndeshet me fituesin e çiftit MançesteR Siti-Real Madrid.
Ndeshja e parë mes këtyre dy skuadrave e zhvilluar në "Emirates Stadium" kishte përfunduar në barazim 2-2.
Lini një Përgjigje