FLASH
Shkruar nga Pamfleti
Ish-kryeministri izraelit Ehud Olmert tha se sot mund të jetë dita më e keqe për Izraelin që nga sulmet e 7 tetorit.
Olmert ishte kryeministri i 12-të i Izraelit nga viti 2006 deri në vitin 2009. Në një intervistë për Sky News, ai tha se shqetësohet se nuk do të mbetet asnjë peng i gjallë nëse Benjamin Netanyahu pret derisa Hamasi të eliminohet plotësisht.
Izraeli është zotuar që nga 7 tetori se do të shkatërrojë Hamasin në mënyrë që të mos paraqesë më asnjë kërcënim. Por, ish-kryeministri izraelit Olmert thotë se ky tani është një problem.
“Si dikush që kam qenë në këtë pozicion, mund të them se ndonjëherë përgjegjësia përfundimtare e liderit është të marrë shanse që mund të mos jenë të njohura me bazën e tij politike, por është vendimi i duhur në kohën e duhur për interesin kombëtar të vendit”, tha ai.
“Kjo është dilema me të cilën përballet Netanyahu dhe për një periudhë të gjatë kohore që nga 7 tetori ai ka preferuar konsideratat e tij personale, politike. Deri në kohën kur Netanyahu të ndiejë se eliminimi i Hamasit ka përfunduar, ne mund të mos kemi asnjë peng të gjallë. Ky është problemi”, shtoi ish-lideri i Izraelit.
Lini një Përgjigje