FLASH
Shkruar nga Pamfleti
Moska ka hedhur akuza ndaj BE-së dhe NATO se po përpiqen që të sabotojnë takimin me Donald Trump dhe Vladimir Putinit që pritet të mbahet në Budapest të Hungarisë.
"Vendet që përbëjnë BE-në dhe NATO-n po punojnë për të penguar gjithçka. Nuk ka çështje që nuk i intereson, përveçse si ta dëmtojnë Rusinë, të minojnë pozicionet tona dhe ta bëjnë më të vështirë për ne zgjidhjen e problemeve me të cilat përballemi.
Ky është objektivi i vetëm i të gjithë politikës së BE-së. Ata janë forca më shkatërruese në skenën ndërkombëtare. Prandaj, nuk është për t'u habitur që ata angazhohen në të gjitha llojet e sabotimeve. Ne jemi të gatshëm për këtë dhe dimë si ta kundërshtojmë atë", tha zëvendësministri i Jashtëm rus Sergey Ryabkov kur u pyet nga TASS në lidhje me rrezikun e anulimit të takimit Trump-Putin.
Polonia e paralajmëroi të martën presidentin rus Vladimir Putin që të mos udhëtojë përmes hapësirën e saj ajrore për të marrë pjesë në një samit në Budapest të Hungarisë me presidentin e SHBA-së Donald Trump, duke thënë se ai do të detyrohej të ekzekutonte një urdhër arresti ndërkombëtar nëse do ta bënte këtë.
Trump tha javën e kaluar, pas një telefonate të gjatë me homologun e tij rus, se planifikonte të takohej me Putinin në Budapest, si pjesë e përpjekjeve të tij për t'i dhënë fund luftës në Ukrainë.
Gjykata Ndërkombëtare Penale, me seli në Hagë, lëshoi një urdhër arresti për Putinin në vitin 2023, duke e akuzuar atë për krim lufte të deportimit të paligjshëm të qindra fëmijëve nga Ukraina. Rusia nuk e njeh juridiksionin e GJPN-së dhe i mohon akuzat.
Lini një Përgjigje