FLASH
Shkruar nga Pamfleti
Përfaqësuesi i Lartë i Bashkimit Evropian për politikë të jashtme dhe siguri, Josep Borrell ka deklaruar se mezi pret të punojë me Qeverinë e re të Serbisë.
Në një postim në twitter, diplomati shprehet se veprimi në përputhje me vlerat dhe politikat e bllokut janë thelbësore për rrugën drejt anëtarësimit në bllok.
“Urime kryeministrit të ri të Serbisë, Millosh Vuçeviç. Mezi pres të punoj me ju, ministrin e Jashtëm Marko Gjuriç dhe Qeverinë serbe, për ta çuar Serbinë përpara në rrugën e saj drejt BE-së. Përafrimi dhe veprimi në përputhje me vlerat e Bashkimit Europian dhe politikat e jashtme dhe të sigurisë, janë shenja thelbësore të orientimit strategjik”, shkruan Borrel në Twitter.
Më 2 maj, deputetët e Kuvendit të Serbisë zgjodhën Qeverinë e re, të kryesuar nga Millosh Vuçeviç, i cili paralajmëroi ditë më parë se Serbia nuk do t’i ndryshojë qëndrimet e mëparshme në lidhje me Rusinë dhe Kosovën.
Së fundi, BE-ja edhe zyrtarisht e ka kushtëzuar integrimin e Serbisë me normalizimin e marrëdhënieve me Kosovën.
Kujtojmë se Serbia zgjodhi Qeverinë e re më datën 2 maj në Kuvend, ndërsa në të janë dhe dy persona të shpallur ‘non grata’ nga SHBA.
Lini një Përgjigje