FLASH
Shkruar nga Pamfleti
Mbreti Charles po përballet me sëmundjen e kancerit, ndërsa vazhdon të ushtrojë detyrat mbretërore, duke dhënë një shembull qëndrueshmërie dhe përkushtimi. Teksa ende është në luftë me kancerin, është zbuluar një mënyrë e pazakontë që ai përdor për të menaxhuar stresin: thurjen.
Monarku 77-vjeçar, i cili po trajtohet për një formë të pazbuluar të kancerit, ka rikthyer një zakon të hershëm për të përballuar presionin emocional dhe fizik. Ideja u rikthye gjatë një vizite shtetërore në Shtetet e Bashkuara, ku ai dhe Mbretëresha Camilla morën pjesë në një aktivitet në ambasadën britanike në Uashington.
Gjatë kësaj vizite, Mbreti kujtoi përvojën e tij të hershme me këtë aktivitet. “Tha se kishte filluar të thurrte kur ishte tetë vjeç. Tha se nuk ishte shumë i mirë në të, por gjithashtu tha se e dinte që ishte shumë e mirë për shëndetin mendor dhe ndoshta duhet ta provonte përsëri”, u shpreh ai.
Takimi përfshiu edhe figura publike, mes tyre sportistin olimpik Tom Daley, i cili njihet si mbështetës i përdorimit të thurjes për mirëqenien mendore.
Ekspertët e shëndetit mendor theksojnë se aktivitete të tilla rutinë mund të ndihmojnë në uljen e stresit dhe përmirësimin e gjendjes emocionale, veçanërisht gjatë periudhave të vështira si trajtimi i sëmundjeve serioze.
Ndërkohë, kjo qasje e Mbretit reflekton edhe një ndryshim të perceptimit për rolet tradicionale, duke u larguar nga stereotipet e mëparshme të familjes mbretërore britanike.
Lini një Përgjigje