FLASH
Shkruar nga Pamfleti
Sekretari në largim i MB-së, Ben Wallace, tha se NATO po provon një pengesë efektive për Vladimir Putin dhe se Rusia është shumë më e brishtë sesa e pranon.
“Putin, nuk ka guxuar t’i afrohet NATO-s. Rusia ka qenë shumë e kujdesshme në respektimin e territorit të NATO-s. Ne nuk kemi parë sulme në zona si Estonia apo Letonia. Ata kanë qenë absolutisht të vëmendshëm ndaj NATO-s. Ata kanë qenë vërtet, vërtet të kujdesshëm për t’u siguruar që të mos provokojnë. Ju mund të argumentoni se aleanca në vetvete funksionon”, tha ai.
Duke folur në konferencën e Institutit Tony Blair për Ndryshimet Globale në Londër, Wallace u shpreh se lufta në Ukrainë kishte “ringjallur” NATO-n, për të cilën ai tha se kishte “stagnuar” në vitet e mëparshme.
“Unë mendoj se lufta në Ukrainë është e fitueshme. Mendoj se Rusia është shumë më e brishtë se sa duan të pranojnë rusët. Shkëputja në hierarkinë e ushtrisë ruse është shumë reale, shkalla e viktimave është mizore”, ka thënë më tej Wallace.
Lini një Përgjigje