FLASH
Shkruar nga Pamfleti
Rusia ka deklaruar se mbetet e hapur për kontakte me vendet evropiane, por sipas Moskës mungon vullneti dhe interesi nga ana e Evropës për një dialog të tillë. Deklarata u bë nga zëvendësministri i Jashtëm rus, Sergey Ryabkov, në një intervistë për programin “60Minutes” në kanalin televiziv rus Rossiya-1.
“Kur ndonjëri prej tyre të kuptojë se ekzistojnë opsione alternative dhe se duhet provuar diçka e re, ne nuk do ta lëmë pa përgjigje. Do të përgjigjemi në të gjitha nivelet. Në thelb, ne jemi të hapur për kontakte. Por nuk ka as vullnet dhe as interes nga ana tjetër”, tha Ryabkov, duke iu përgjigjur pyetjes nëse Rusia mban kontakte me Evropën.
Sipas diplomatit të lartë rus, disa kontakte politike ekzistojnë, por ato nuk bëhen publike. Megjithatë, ai theksoi se kontaktet e nivelit të lartë politik janë ndërprerë prej kohësh, për shkak të asaj që ai e quajti grupi famëkeq anti-rus që sundon në Bashkimin Evropian.
“Në nivelin më të lartë politik kemi një pauzë të gjatë. Nuk kemi kontakte në këtë nivel, por nuk ndihemi në siklet për këtë. Është zgjedhja e tyre”, u shpreh Ryabkov.
Megjithatë, ai shtoi se Rusia nuk ka ndërmend të kërkojë apo të insistojë për dialog.
“Ne nuk mund t’i ndjekim pas duke u lutur. Kjo nuk është serioze dhe as e nevojshme. Qëndrimi i tyre është shprehur vazhdimisht, veçanërisht nga Parlamenti Evropian, ku, sipas mendimit tim, mbizotëron një tërbim i fortë antirus”, deklaroi ai.
Ryabkov theksoi gjithashtu se nga pala franceze nuk ka pasur asnjë përpjekje për të kontaktuar Ministrinë e Jashtme ruse.
“Nëse presidenti Emmanuel Macron vendos të ndryshojë diçka në këtë drejtim, do ta shohim dhe do ta përshtatim kursin tonë në përputhje me rrethanat”, shtoi ai.
Deklaratat e diplomatit rus vijnë në një kohë kur agjencia AFP, duke cituar burime nga Pallati Elysee, raportoi se Parisi po shqyrton mundësinë e organizimit së shpejti të bisedimeve mes presidentit francez Emmanuel Macron dhe presidentit rus Vladimir Putin.
Më herët, Macron kishte deklaruar se është koha që Evropa të rifillojë dialogun me Rusinë, duke theksuar se formati aktual i bisedimeve për Ukrainën nuk është optimal për interesat e kontinentit.
Kur mbahen per diplomate edhe keta mongolo aziatiket te vjen te dhjesesh.