FLASH
Shkruar nga Pamfleti
Grupi mercenar Wagner i udhëhequr nga Yevgeny Prigozhin ka marrë mbi 17.5 miliardë euro (rreth 17 trilion rubla) nga shteti rus.
Mësohet se këto para janë të ndara në kontrata qeveritare (860 miliardë rubla) dhe shërbime të ofruara nga Holding Concord (845 miliardë rubla). Lajmi u bë i ditur nga prezantuesi televiziv rus, Dmitry Kiselev gjatë një transmetimi në kanalin Rossija 1.
"Kompania private ushtarake Wagner, e themeluar nga Yevgeny Prigozhin, mori pak më shumë se 858 miliardë rubla në kontrata me shtetin. Kjo është më pak se një trilion. Sipas kontratave të tjera, Concord Holding Prigozhin ofronte shërbime për 845 miliardë rubla. Kjo nuk do të thotë se ata fituan aq shumë, por megjithatë kjo tregon shkallën e biznesit dhe shkallën e ambicieve”, tha Kiselev.
Në fillim të kësaj jave, Presidenti Vladimir Putin njoftoi se autoritetet ruse do të hetojnë të ardhurat e Holding Concord, duke shtuar se, gjatë vitit të kaluar, Wagner kishte marrë nga shteti një total prej 86 miliardë rubla (rreth një miliard euro), një shifër kjo që duket më e ulët se ajo e raportuar nga Kiselev.
Lini një Përgjigje