FLASH
Shkruar nga Pamfleti
Me luftën që ka hyrë tashmë në vitin e saj të tretë, Ukraina ka nisur sërish rekrutimet. Ministria ukrainase e Mbrojtjes, ka deklaruar se rreth 1.5 milionë burra janë regjistruar për rekrutim.
Pasi ligji i ri për mobilizimin hyri në fuqi më 18 maj, burrave të moshës ushtarake iu dhanë 60 ditë për të përditësuar të dhënat e tyre personale në mënyrë që shteti t'i gjente.
Sipas një video të postuar në kanalin YouTube të ministrisë, shumica e përditësimeve janë bërë në aplikacionin e ri online Reserve+.
Përveç përdorimit të aplikacionit, ukrainasit mund të përditësojnë të dhënat e tyre personalisht në qendrat e shërbimit publik ose zyrat e regjistrimit.
Ministria shtoi se 14,000 burra që jetojnë jashtë vendit në 124 vende kishin përditësuar kredencialet e tyre.
Kujtojmë se ky vit, do të jetë vendimtar për Ukrainën e cila do të duhet të bëjë përparime të dukshme ndaj Rusisë ose në të kundër do të duhet të ulet në tavolinën e bisedimeve me kushtet e Putinit.
Lini një Përgjigje