FLASH
Shkruar nga Pamfleti
Këshilli Evropian miratoi sot kushtet që Turqia duhet të plotësojë që të rihapet sërish procesi i anëtarësimit të Ankarasë në Bashkimin Evropian.
Në konferencën për shtyp që dha pas përfundimit të Këshillit sot në Bruksel, Oliver Varchelli, Komisioneri për Fqinjësinë, tha se sot arritën një konkluzion se çfarë duhet të bëjë Ankaraja për të rifilluar procesin e anëtarësimit.
Ai gjithashtu përmendi se nevojiten përmirësime në aspektin e sundimit të ligjit në Turqi, si dhe se nevojitet një marrëveshje në nivelin e Këshillit Evropian, në mënyrë që procesi të vazhdojë.
Varchelli shtoi se raportet e fundit mbi marrëdhëniet BE-Turqi nuk duhet të pengojë Brukselin të ndjeki axhendën pozitive që kanë vënë në tryezë së bashku me Përfaqësuesin e Lartë, Joseph Borrell.
Raportet e paraqitura nga Borrell theksonin se Turqia duhet të hedhë themelet për një fillim të ri, siç kërkoi dhe propozoi presidenti Erdogan.
Përfundimet, të miratuara sot nga Këshilli, kanë të bëjnë me rrugën e anëtarësimit të dhjetë vendeve kandidate për anëtarësim në BE, bazuar në raportet përkatëse të progresit i Komisionit, por edhe raportin e veçantë për të ardhmen e marrëdhënieve euro-turke për sa i përket Turqisë.
Në paragrafët që kanë të bëjnë me Ankaranë priten: përmirësimi i marrëdhënieve greko-turke, depërshkallëzimi i tensionit edhe në Mesdheun Lindor, si dhe pritshmërinë e Këshillit që Turqia të mbajë marrëdhënie të mira fqinjësore dhe zgjidhje paqësore të mosmarrëveshjeve me rekurs, nëse është e nevojshme, të zgjidhen në Gjykatën Ndërkombëtare të Drejtësisë.
Në Këshillin e ardhshëm Evropian, i cili fillon të enjten, nuk do të ketë një debat përfundimtar mbi raportin e paraqitur nga Komisioni dhe Josep Borrell, për shkak të mungesës së kohës dhe agjendës së rënduar.
Në draftin e fundit të konkluzioneve thuhet se “Këshilli merr parasysh raportin e përbashkët të Përfaqësuesit së Lartë dhe Komisionit për gjendjen aktuale të marrëdhënieve BE-Turqi dhe do t'i rikthehet çështjes në mbledhjen e tij të ardhshme”.
Lini një Përgjigje