FLASH
Shkruar nga Pamfleti
Presidenti rus, Vladimir Putin ka akuzuar Ukrainën për sabotim të procesit të paqes në një fjalim në takimin vjetor të bordit të shërbimit të inteligjencës FSB të Rusisë.
Ai dënoi ato që i quajti “sulme terroriste” kundër Rusisë, përfshirë kërcënimet ndaj tubacioneve të ndryshme, duke akuzuar shërbimet e inteligjencës ukrainase se qëndrojnë pas shumicës së tyre, sepse Kievi dështoi t’i shkaktonte disfatë Rusisë në fushën e betejës.
"Ne duhet të neutralizojmë të gjitha përpjekjet për të minuar këtë proces", tha Putin.
Presidenti shtoi se ishte jetike të forcohej mbrojtja e infrastrukturës energjetike dhe objekteve të tjera strategjike. Ai u tha gjithashtu udhëheqësve të FSB-së se "operacioni special ushtarak" në Ukrainë kërkonte vigjilencë dhe përqendrim maksimal nga ana e tyre.
Rusia ka synuar infrastrukturën civile të energjisë së Ukrainës me sulme të rënda për muaj të tërë, duke shkaktuar ndërprerje të ngrohjes në temperatura shumë të ulëta.
Nga ana tjetër, Volodymyr Zelensky ka thënë se objektet energjetike të Rusisë ishin një “objektiv legjitim” pasi ato ishin “burimi ku gjeneroheshin dhe shumëfishoheshin paratë e tyre”, me të ardhurat që përdoreshin për të nxitur përpjekjet e saj të luftës.
Rusia dhe Ukraina kanë marrë pjesë në bisedimet e paqes të ndërmjetësuara nga SHBA-të që nga muaji i kaluar, ku çështjet territoriale mbeten një pikë ngërçi. Moska dëshiron që Ukraina të heqë dorë nga i gjithë Donbasi, përfshirë territorin që aktualisht mbahet nga Kievi.
Lini një Përgjigje