FLASH
Shkruar nga Pamfleti
Nga pengmarrja te arratisja: pamjet zbulojnë çfarë ndodhi brenda bankës në Napoli...
Janë publikuar pamjet nga brenda bankës në Napoli, e cila u grabit në mes të ditës nga persona të armatosur, duke mbajtur peng 25 persona për disa orë.
Fotot e publikuara nga gazetari italian Giusepppe Crimaldi, tregojnë qartë dëmet e shkaktuara nga grabitësit, me kasaforta të hapura, dollapë të shpërndarë në dysheme dhe ambiente të shkatërruara. Në disa prej tyre dallohen edhe gjurmë këmbësh në dysheme, që dyshohet se i përkasin autorëve gjatë lëvizjes brenda bankës.
Sipas mediave lokale, grabitësit arritën të boshatisin një pjesë të kasafortave, ndërsa përmbysën dhe dëmtuan sistemin e depozitimit të sendeve me vlerë, duke krijuar kaos të plotë në ambientet e brendshme.
Ngjarja ndodhi të enjten, kur disa persona të armatosur hynë në bankë dhe morën peng 25 persona. Policia negocioi për rreth dy orë, duke bërë të mundur lirimin e pengjeve pa pasoja.
Në vendngjarje u dërguan edhe forcat speciale të karabinierëve, të cilët ndërhynë me forcë, ndërsa u dëgjuan të shtëna dhe shpërthime granatash shokuese.
Megjithatë, sipas raportimeve, autorët arritën të arratisen përmes një tuneli nëntokësor, duke u zhdukur dyshohet në rrjetin e kanalizimeve.
Pamjet e publikuara hedhin më shumë dritë mbi përmasat e grabitjes, ndërsa policia vijon operacionin për identifikimin dhe kapjen e autorëve.
Lini një Përgjigje