FLASH
Shkruar nga Pamfleti
Zëvendëspresidenti i SHBA, JD Vance, ndodhet në Romë për një vizitë zyrtare dhe u prit sot në Pallatin Chigi nga kryeministrja italiane Giorgia Meloni. Në takim morën pjesë edhe zëvendëskryeministrat Matteo Salvini dhe Antonio Tajani.
Gjatë deklaratave për shtyp, Meloni theksoi marrëdhëniet e veçanta me administratën Trump, ndërsa Vance shprehu mirënjohjen për mikpritjen italiane dhe vlerësoi qytetin e Romës si një vend frymëzues “ndërtuar nga njerëz që donin njerëzimin dhe Zotin”.
Temat kryesore të diskutimit përfshinë:
Negociatat tregtare mbi tarifat midis SHBA-së dhe BE-së, ku Vance u shpreh se do të vijojë dialogun edhe me Melonin.
Situata në Ukrainë, ku Vance u shpreh optimist për një përfundim të mundshëm të luftës.
Forcimi i bashkëpunimit ekonomik dhe politik mes Italisë dhe SHBA-së.
Meloni e përshëndeti me humor Vance duke thënë se “nuk e kishte parë prej kohësh”, edhe pse ishin takuar një ditë më parë në Shtëpinë e Bardhë gjatë vizitës së saj në Uashington.
Vance do të marrë pjesë pasdite në meshën e të Premtes së Madhe në Shën Pjetër dhe do të vizitojë monumente të rëndësishme të Romës me familjen e tij, përfshirë Castel Sant’Angelo dhe Koloseun.
Lini një Përgjigje