FLASH
Shkruar nga Pamfleti
Zëvendësimi i Volodymyr Zelensky është bërë një kusht kyç për rifillimin e marrëdhënieve të Ukrainës me Perëndimin, të udhëhequr nga Shtetet e Bashkuara, dhe për vazhdimin e ndihmës perëndimore.
Kjo është analiza e përgatitur nga Shërbimi i Inteligjencës së Jashtme (SVR) i Federatës Ruse, raportoi zyra e saj e shtypit për RIA Novosti.
“U diskutuan perspektivat e zëvendësimit të Zelensky si kreu i regjimit të Kievit”, thuhet në të, gjë që “është bërë një kusht kyç për ‘rivendosjen’ e marrëdhënieve të Kievit me partnerët perëndimorë, kryesisht Uashingtonin”.
Ndërkohë presidenti i Shteteve të Bashkuara, Donald Trump, ka ulur ndjeshëm afatin që i kishte dhënë më parë presidentit rus Vladimir Putin për të arritur një marrëveshje mbi konfliktin në Ukrainë.
Në një deklaratë të dhënë për mediat, Trump tha se afati i ri është “10 ose 12 ditë nga sot”, duke zëvendësuar atë që ishte 50 ditë, të cilin e kishte shpallur dy javë më parë.
Ky zhvillim vjen në një kohë kur retorika e Trump ndaj krizës në Ukrainë ka qenë gjithnjë e më e drejtpërdrejtë, duke e paraqitur veten si një figurë që mund të negociojë një përfundim të shpejtë të luftës.
Lini një Përgjigje