FLASH
Shkruar nga Pamfleti
Zëvendëspresidentja e Venezuelës, Delcy Rodríguez, ka deklaruar se autoritetet venezuelase nuk kanë informacion për vendndodhjen e presidentit Nicolás Maduro dhe Zonjës së Parë, Cilia Flores, duke e cilësuar situatën jashtëzakonisht serioze.
Në një deklaratë të bërë publike këtë të shtunë, Rodríguez tha se qeveria ka kërkuar prova që presidenti dhe bashkëshortja e tij janë gjallë, mes raportimeve kontradiktore dhe zhvillimeve dramatike në vend.
Deklarata vjen pas njoftimeve për sulme në shkallë të gjerë në disa zona të Venezuelës dhe pretendimeve nga Shtetet e Bashkuara se Maduro dhe bashkëshortja e tij janë kapur dhe nxjerrë jashtë vendit.
Autoritetet venezueliane nuk kanë konfirmuar zyrtarisht nëse presidenti ndodhet nën kontrollin e forcave amerikane, ndërsa mungesa e informacionit për fatin e tij ka shtuar pasigurinë dhe tensionet politike brenda dhe jashtë vendit.
Trump njoftoi të shtunën në mëngjes se SHBA-të kryen një “sulm në shkallë të gjerë kundër Venezuelës” dhe se Presidenti Nicolas Maduro dhe gruaja e tij janë kapur dhe larguar nga vendi.
Disa shpërthime u raportuan nga dëshmitarët në kryeqytet, Karakas, duke filluar rreth orës 2 të mëngjesit sipas orës lokale. Videot e postuara në mediat sociale treguan shpërthime të mëdha dhe atë që dukej të ishte avion ushtarak amerikan që fluturonte ulët mbi qytet.
Lini një Përgjigje