FLASH
Shkruar nga PamfletiPresidenti Donald Trump ka deklaruar se Shtetet e Bashkuara po rikthejnë një bllokadë detare ndaj porteve iraniane dhe do të vendosin një tarifë prej 20% për të gjithë ngarkesën që transportohet përmes Ngushticës së Hormuzit, pas disa ditësh sulmesh të përshkallëzuara mes dy vendeve.
Lufta midis Shteteve të Bashkuara dhe Iranit pa një tjetër natë sulmesh dhe hakmarrjeje, me një mision pesë-orësh amerikan kundër objektivave ushtarake përgjatë bregdetit iranian dhe përgjigjen e Teheranit kundër instalimeve amerikane në Bahrein, si dhe një sulm ndaj dy cisternave të naftës në Ngushticën e Hormuzit.
Vala e re shënjestroi objektiva ushtarake në Bushehr, Chabahar, Jask, Konarak, Abu Musa dhe Bandar Abbas.
Edhe Korpusi i Gardës Revolucionare Islamike të Iranit (IRGC) ka deklaruar se ka “goditur dhe neutralizuar” dy supertankerë, të cilët i cilësoi si “anije të pabindura”. Njoftimi u publikua përmes një deklarate në kanalin zyrtar të IRGC-së në Telegram.
Sipas deklaratës, dy anijet kishin fikur sistemet e navigimit, kishin shpërfillur paralajmërimet e autoriteteve iraniane gjatë kalimit në Ngushticën e Hormuzit dhe kishin tentuar të lundronin në një itinerar që, sipas IRGC-së, ishte i minuara.
Deklarata u publikua pasi dy cisterna nafte të Emirateve të Bashkuara Arabe u goditën nga raketa iraniane në pjesën jugore të Ngushticës së Hormuzit.
Sipas Ministrisë së Mbrojtjes së Emirateve të Bashkuara Arabe, cisternat Al-Bahiya dhe Mombasa u goditën ndërsa ndodheshin në ujërat territoriale të Omanit. Si pasojë e sulmit, një anëtar indian i ekuipazhit në bordin e cisternës Mombasa humbi jetën.
Në deklaratën e saj, IRGC nuk i identifikoi me emër anijet që pretendon se goditi, nuk specifikoi flamurin nën të cilin lundronin dhe as nuk dha detaje për kohën e saktë të sulmit.
Ndërkohë Presidenti Donald Trump ka deklaruar se Shtetet e Bashkuara po rikthejnë një bllokadë detare ndaj porteve iraniane dhe do të vendosin një tarifë prej 20% për të gjithë ngarkesën që transportohet përmes Ngushticës së Hormuzit, pas disa ditësh sulmesh të përshkallëzuara mes dy vendeve.
Ai tha se kjo masë do të ndalojë “anijet e Iranit ose klientët e tij” të hyjnë apo të dalin nga kjo rrugë kyçe e transportit të naftës, por se “të gjitha vendet e tjera do të kenë përdorim të drejtë dhe të hapur të Ngushticës”. Bllokada do të hyjë në fuqi të martën në orën 16:00 sipas kohës Lindore të SHBA-së.
Më vonë, ministri i Jashtëm i Iranit deklaroi se kushdo që siguron kalim të sigurt “duhet të kompensohet për këtë shërbim”, por se Irani do të mbetet “ROJTARI” i ngushticës, duke përdorur të njëjtin term të përdorur nga Trump.
Teherani dhe Uashingtoni u përplasën për kontrollin e ngushticës pas shkëmbimit të sulmeve në rajon gjatë natës dhe të hënën.
SHBA-ja tha se kreu sulme ndaj objektivave ushtarake në Iran, duke goditur sisteme të mbrojtjes ajrore, radarë bregdetarë, si dhe pozicione raketash dhe dronësh.Irani deklaroi se iu përgjigj duke goditur baza ushtarake amerikane në Kuvajt, Jordani dhe Bahrein, si dhe radarë në Oman.
Në postimin e tij në Truth Social të hënën, Trump këmbënguli se ngushtica “do të mbetet E HAPUR, me ose pa Iranin”.
Nga ana tjetër çmimet e naftës u rritën ndjeshëm në tregtinë aziatike të martën. Nafta e papërpunuar Brent u rrit me 0.7% në 83.87 dollarë për fuçi, ndërsa nafta e tregtuar në SHBA ishte 0.9% më e lartë në 79.04 dollarë.
Lini një Përgjigje