FLASH
Shkruar nga Pamfleti
Ekipi ndërkombëtar i Kryqit të Kuq është futur në Gaza dhe ka marrë tre pengjet e para të cilat u liruan nga Hamasi pak minuta më parë.
Ndërsa armëpushimi hyri në fuqi të dielën në mëngjes në Gaza, palestinezët që ktheheshin në lagjet e tyre të shkatërruara shprehën gëzimin për paqen dhe pikëllimin e kërkuar prej kohësh për gjithçka që ka humbur.
Armëpushimi potencialisht do t'u japë civilëve në Gaza natën e parë të pushimit pa sulme apo operacione ushtarake në më shumë se një vit.
Tani palët presin procesin e shkëmbimit të të burgosurve. Ekipi ndërkombëtar i Kryqit të Kuq është futur në Gaza dhe ka marrë tre pengjet e para të cilat u liruan nga Hamasi pak minuta më parë.
“Kryqi i Kuq ka komunikuar se tre pengjet izraelite u transferuan tek ata dhe janë në rrugën e tyre drejt forcave të IDF dhe Autoritetit të Sigurimeve të Izraelit në Rripin e Gazës”, tha ushtria izraelite në një deklaratë.
Bëhet fjalë për Emily Damari, një britaniko-izraelite 28-vjeçare, Doron Steinbrecher, 31 vjeç dhe Romi Gonen, 24 vjeç, të cilat do të takohen në kufi nga stafi mjekësor, specialistë të mirëqenies dhe psikologë për të ndihmuar me tranzicionin fillestar përpara se të ribashkohen me familjet e tyre.
Ata do të dërgohen me helikopter në ambientet e specializuara të ngritura për t'i pritur.
????Bringing Them ????????????????: Here are exclusive images of IAF helicopters prepared for the process of receiving the hostages from Gaza. pic.twitter.com/yiKPQhAbch
— Israel Defense Forces (@IDF) January 19, 2025
Ndërkohë që qindra izraelitë përfshirë familjarë të pengjeve izraelite që do të lirohen janë mbledhur parën një kodre diku pranë kufirit dhe po presin me ankth lirimin e të afërmeve të tyre.
Nga ana tjetër, pranë burgut Ofer në Bregun Perëndimor, 90 të burgosur palestinezë janë caktuar të lirohen nga Izraeli dhe pritet të dorëzohen në Gaza. Mësohet se nga 90 të burgosurit palestinezë të liruar, shumica prej tyre janë gra dhe fëmijë.
Si kujtesë, armëpushimi i rënë dakord nga Izraeli dhe Hamasi kërkon që qeveria izraelite të lirojë qindra palestinezë të ndaluar në burgjet izraelite gjatë gjashtë javëve të ardhshme - në këmbim të qytetarëve të saj.
Ndërsa ne nuk e kemi pasur raportin e konfirmuar nga Izraeli, Hamasi po sugjeron që marrëveshja thotë se për çdo peng izraelit të liruar, do të jenë edhe 30 të burgosur palestinezë./Pamfleti
Lini një Përgjigje