FLASH
Shkruar nga Pamfleti
Presidenti i SHBA Joe Biden ka mbërritur në Tel-Aviv, mes protestave pas shpërthimit vdekjeprurës në një spital në Gaza, ndërsa zyrtarët izraelitë dhe palestinezë akuzojnë njëri-tjetrin se kush ishte fajtori.
Mbërritja e presidentit të Amerikës në Izrael është shoqëruar nën masa të rrepta sigurie. Biden është pritur nga kryeministri i Izraelit, Benjamin Netanyahu, me të cilin ka pasur një përqafim të ngrohtë. Më pas Biden hipi në një autokolonë të blinduar për të vazhduar takimet në Izrael.
WATCH LIVE: Prime Minister Benjamin Netanyahu and President Isaac Herzog welcome President of the United States Joe Biden upon his arrival to Israel. https://t.co/S5x2JFtwOr
— Prime Minister of Israel (@IsraeliPM) October 18, 2023
Presidenti amerikan Joe Biden udhëtoi si zakonisht drejt Izraelit, pavarësisht anulimit të takimit katërpalësh me liderët e Egjiptit, Jordanisë dhe Autoritetit Palestinez pas tragjedisë vdekjeprurëse në një spital palestinez. Në fakt, përpara se të hipte në Air Force One, Joe Biden tha se ishte “i tronditur dhe thellësisht i pikëlluar” nga bombardimi në Spitalin Al Ahli në Rripin e Gazës.
Përsa i përket faktit se kush është përgjegjës për këtë sulm ku u vranë rreth 500 njerëz, pala palestineze akuzon Izraelin për një “krim lufte”. Izraeli gjithashtu fajëson palestinezët, konkretisht organizatën “Xhihadi Palestinez”, e cila konsiderohet si vazhdimësi e Hamasit.
Lini një Përgjigje