FLASH
Shkruar nga Pamfleti
Në një deklaratë që supozohej të qetësonte gjakrat, Putin nuk la pa theksuar në mënyrë drithëruese fuqinë bërthamore të Rusisë dhe superioritetin numerik në koka bërthamore krahasuar me Perëndimin.
Presidenti rus, Vladimir Putin ka deklaruar se Perëndimi nuk ka nevojë të hapë tema diskutimi për mundësin e ndezjes së një luftë të mundshme bërthamore nga Rusia.
“Edhe pse Rusia ka shumë më shumë bomba bërthamore sesa SHBA-ja dhe Evropa, diskutimet për një luftë të mundshme bërthamore nuk janë të nevojshme. Nuk ka nevojë të mendohet për këtë luftën bërthamore. Dhe unë do t'i kërkoja kujtdo që të mos përmendte asgjë të tillë”, tha Putin në Forumin Ekonomik të Shën Petersburgut.
Në një deklaratë që supozohej të qetësonte gjakrat, Putin nuk la pa theksuar në mënyrë drithëruese fuqinë bërthamore të Rusisë dhe superioritetin numerik në koka bërthamore krahasuar me Perëndimin. Ai tha se vendi i tij ka armë bërthamore që janë më të fuqishme se bombat që amerikanët hodhën në Hiroshima dhe Nagasaki në Luftën e Dytë Botërore, por se situata nuk do të shkojë deri aty.
Stoku i përgjithshëm bërthamor i Rusisë është më i madh se ai i Shteteve të Bashkuara, në rreth 6,250 gjithsej koka bërthamore, sipas Shoqatës së Kontrollit të Armëve. Ndërkohë që vlen të theksohet se Uashingtoni lëshoi bomba atomike në të dy qytetet japoneze në gusht 1945, duke lënë vite shkatërrimi dhe trauma psikologjike në komunitetet atje.
Të paktën 70,000 njerëz u vranë në shpërthimin fillestar në Hiroshima, ndërsa rreth 70,000 të tjerë vdiqën nga ekspozimi ndaj rrezatimit. SHBA hodhi një tjetër bombë në Nagasaki tre ditë më vonë duke vrarë deri në 80,000 njerëz. SHBA mbetet i vetmi vend që ka përdorur ndonjëherë një bombë atomike në luftë.
Sa i takon luftës në Ukrainë, Putin akuzoi SHBA-në dhe BE-në se janë arsyeja që po zgjasin konfliktin. Sipas despotit rus, Moska është gati për bisedime paqeje me Ukrainën, por se Perëndimi nuk është i orientuar aktualisht drejt kësaj qasje.
“Të gjitha konfliktet e armatosura përfundojnë me disa marrëveshje paqeje dhe normalisht Rusia duhet të kërkojë kushte që do të korrespondojnë me interesat e saj. Por ata ju mashtrojnë në çdo hap; ata thonë një gjë, bëjnë një tjetër. Një gjë është e sigurt, ose me ushtarakisht, ose diplomatikisht, ne sigurisht përpiqemi dhe do të arrijmë fitoren”, tha Putin./CNN
Lini një Përgjigje