FLASH
Shkruar nga Pamfleti
Një nga bosët më të mëdhenjt të bandave të drogës në Ekuador ka arritur të arratiset nga burgu duke bWrë që vendi të shpallë gjendje të jashtëzakonshme.
Bosi i drogës, Adolfo Macias i njohur si Fito u zhduk nga qelia e tij të dielën pak kohë para se të transferohej në një burg tjetër të sigurisë së lartë në qytetin e Guayaquil.
Pas ngjarjes Prokurorët e Ekuadorit kanë ngritur akuza ndaj dy rojeve të burgut pasi dyshohet se ata mund të jenë pjesë e planit të arratisjes se Fitos.
Kreu i bandës Los Choneros po vuante dënimin me 34 vjet në burgun La Regional për trafik droge dhe vrasje. Kjo nuk është hera e parë që Fito ia ka dalë të arratiset nga burgu pasi edhe në vitin 2013, Macias iku nga një burg i sigurisë së lartë. Por kjo arratisje e tij nuk zgjati shumë pasi disa javë më vonë u arrestua.
Los Choneros është një nga bandat që autoritetet i konsiderojnë përgjegjëse për një rritje të dhunës që arriti nivele të reja vitin e kaluar me vrasjen e kandidatit presidencial Fernando Villavicencio. Sipas autoriteteve banda ka lidhje me kartelin Sinaloa të Meksikës. Edhe pse brenda burgut, Macias besohej se ishte në gjendje të ushtronte ndikimin e tij mbi bandën, duke përfshirë kontrollin e rrugëve dhe territorit të trafikut të drogës.
Lini një Përgjigje