FLASH
Shkruar nga Pamfleti
Ambasadori i SHBA-së në Kombet e Bashkuara, Mike Waltz, ka deklaruar se përpjekjet e Iranit për të detyruar anijet të zbatojnë një protokoll të ri për kalimin tranzit në Ngushticën e Hormuzit do të ndikojnë jo vetëm rajonin e Lindjes së Mesme, por të gjithë botën.
“Media shtetërore e Iranit njoftoi se regjimi ka krijuar atë që e quan Autoriteti i Ngushticës së Gjirit Persik, ku kërkon që të gjithë kapitenët e anijeve nga transporti ndërkombëtar, ai tregtar dhe ai civil, në thelb duhet të regjistrohen dhe të paguajnë ryshfet, si dhe të paguajnë një taksë për të përdorur këto rrugë ujore ndërkombëtare. Kjo nuk ndikon vetëm në këtë rajon. Ndikon në të gjithë botën”, u tha Waltz gazetarëve sot.
Përfaqësuesi i SHBA-së i bëri komentet në një konferencë për shtyp për të diskutuar një projekt-rezolutë të Këshillit të Sigurimit të OKB-së, të mbështetur nga SHBA-të në bashkëpunim me Bahreinin, Arabinë Saudite, Emiratet e Bashkuara Arabe, Kuvajtin dhe Katarin.
Më herët këtë javë, Sekretari i Shtetit i SHBA-së Marco Rubio tha se projekt-rezoluta paraqet një "provë të vërtetë për OKB-në".
Në kundërshtim me rezolutën, Ministri i Jashtëm iranian Abbas Araghchi i ka shkruar Sekretarit të Përgjithshëm të OKB-së, António Guterres, shteteve anëtare të OKB-së dhe të tjerëve, duke e quajtur draftin "të njëanshëm dhe të paplotë".
“Ky tekst nuk i referohet asnjë shkaku rrënjësor të situatës aktuale në Ngushticën e Hormuzit - domethënë, agresionit ushtarak dhe përdorimit të paligjshëm të forcës nga Shtetet e Bashkuara dhe regjimi izraelit kundër Republikës Islamike të Iranit”, shkroi Araghchi në letër.
Prandaj po beni pazare me Iranin qe t'i ndani bashke fitimet.