FLASH
Shkruar nga Pamfleti
Presidenti francez, Emmanuel Macron vijon të tronditë botën me deklaratat e tij. Pas idesë për dërgimin e trupave në Ukrainë, Macron ka habitur sërish duke deklaruar se rënia e Ukrainës është shumë afër.
Sipas asaj që raporton “Politico”, të mërkurën Macron zhvilloi një aktivitet politik në Pallatin Elysee, ku ndër të tjera u diskutua edhe për zgjedhjet e ardhshme për Parlamentin Evropian.
"Ukraina mund të bjerë shumë shpejt", tha Macron gjatë ngjarjes, siç u transmetua në gazetë nga një pjesëmarrës në tubim.
Më herët, në një konferencë për shtyp me presidentin çek Petr Pavel, Macron tha se vendet evropiane nuk duhet t'i vendosin kufij vetes kur flasin për të ndihmuar Ukrainën për të parandaluar përhapjen e ndjenjave disfatiste.
Në këtë sfond, Macron theksoi rëndësinë e sigurimit të ndihmës ushtarake për Ukrainën dhe shprehu mbështetjen për nismën çeke për të blerë predha artilerie nga vende të treta jashtë BE-së.
Më 26 shkurt, duke folur pas një konference për Ukrainën në Paris, Macron nuk përjashtoi pa mëdyshje mundësinë e dërgimit të trupave tokësore perëndimore në zonën e operacionit special ushtarak në Ukrainë. Ai u zotua gjithashtu se shtetet perëndimore do të "bëjnë atë që është e nevojshme" për të parandaluar fitoren e Rusisë në këtë konflikt.
Në një intervistë të 17 marsit me gazetën Le Parisien, Macron tha se operacionet tokësore mund të jenë të nevojshme në një moment të caktuar "për t'u përballur me forcat ruse" në Ukrainë.
Lini një Përgjigje