FLASH
Shkruar nga Pamfleti
Të paktën 55 persona janë shpëtuar deri më tani nga forcat zajrrfikëse, ndërkohë që më shumë se 250 persona rezultojnë të zhdukur...
Bilanci i ngjarjes tragjike të ndodhur në Hong Kong, ku një kompleks pallatesh u përfshi nga flakët, vijon dhe rritet, me numrin e viktimave që raportohet se shkoi në 75, sipas përditësimit të fundit nga autoritetet vendase.
Qindra persona të tjerë janë lënduar gjatë evakuimit të ndërtesave, shumica e të cilëve kanë shfaqur probleme me rrugët respiratore. Të paktën 55 persona janë shpëtuar deri më tani nga forcat zajrrfikëse, ndërkohë që më shumë se 250 persona rezultojnë të zhdukur.
Zyrtarët e shërbimit zjarrfikës thanë se flakët në katër nga tetë blloqet e apartamenteve në lagje ishin shuar dhe se tre zjarre ishin nën kontroll. Një ndërtesë nuk u prek.
Zjarrfikësit ende nuk kanë arritur të futen në nivelet më të larta të disa prej kullave 31-katëshe, megjithëse një burrë i moshuar u shpëtua i gjallë nga apartamenti i tij në katin e sipërm më herët gjatë ditës së sotme. Ekipet e emergjencave po vijojnë punën për të shpëtuar sa më shumë jetë nga godinat e mbytura nga flakët dhe tymi, ndërkohë që një hetim ka vijuar për shkaqet e kësaj ngjarje tragjike.
Policia dyshon se zjarri është shkaktuar nga mungesa e neglizhencës nga ana e kompanisë ndërtuese. Policia e Hong Kongut pretendon se skelat e pasigurta dhe materialet e shkumës të përdorura gjatë punimeve të mirëmbajtjes mund të kenë qenë shkaku i përhapjes së shpejtë të zjarrit, dhe tre persona nga kompania e ndërtimit që lidhet me këtë çështje janë arrestuar.
Komisioni i Pavarur Kundër Korrupsionit ka njoftuar tashmë se ka ngritur një grup pune për të hetuar rastin, i cili ka nxitur një reagim të madh në popull.
Ka pasur ankesa të vazhdueshme në lidhje me rinovimin, duke përfshirë akuzat se alarmet u fikën muaj më parë nga punëtorët e ndërtimit dhe se punëtorët pinin duhan në kantier. Ka pasur gjithashtu shqetësime më të gjera në lidhje me standardet e sigurisë për rrjetën e përdorur në kantier.
Një video që po shpërndahet gjerësisht të enjten tregon një anëtar të këshillit vendor duke i vënë flakën një cope rrjete ndërtimi të gjelbër dhe duke e parë atë të shkrihet dhe të digjet shpejt.
Policia shtoi se ndërtesat ishin mbuluar me fletë rrjete mbrojtëse dhe plastikë që nuk i kishin përmbushur standardet e zjarrit. Gjitashtu mendohet se zjarri është përhapur në skelat prej bambuje përreth ndërtesës dhe ndoshta është ndihmuar nga kushtet me erë. Skelat prej bambuje janë një pamje e kudondodhur në të gjitha kantieret e ndërtimit në Hong Kong, megjithëse qeveria ka thënë se po hiqet gradualisht për arsye sigurie.
Standardet e ndërtimit në Hong Kong janë relativisht të larta dhe janë përmirësuar shumë në dekadat e fundit, por Shoqata për të Drejtat e Viktimave të Aksidenteve Industriale, një grup lokal avokatie, shprehu shqetësim të thellë në lidhje me zjarret që lidhen me skelat, duke vënë në dukje incidente të ngjashme në prill, maj dhe tetor.
Edhe pse rreziku nga zjarri nuk u përmend si arsye për heqjen graduale të skelave prej bambuje, sipas shoqatës këtë vit ka pasur të paktën tre zjarre që kanë përfshirë skela prej bambuje.
Udhëheqësi i Kinës, Xi Jinping, bëri thirrje për një “përpjekje të gjithanshme” për të shuar zjarrin dhe për të minimizuar viktimat dhe humbjet, ndërsa banorët shprehën zemërim në internet për shkaqet e mundshme të zjarrit./Pamfleti
Lini një Përgjigje