FLASH
Shkruar nga PamfletiMinistria e Jashtme e Rumanisë e dënoi ashpër sulmin, duke e cilësuar atë si “një përshkallëzim serioz dhe të papërgjegjshëm nga ana e Federatës Ruse”.
Kreu i NATO-s, Mark Rutte, ka reaguar pas goditjes së një pallati banimi në Rumani nga një dron gjatë një sulmi rus në Ukrainën fqinje.
“Sjellja e pakujdesshme e Rusisë është një rrezik për të gjithë ne. Mbrëmë u pa sërish se pasojat e luftës së tyre agresive dhe të paligjshme nuk ndalen në kufijtë e tyre.”, shkroi Rutte në platformën X.
Ai shtoi se NATO do të vazhdojë të forcojë aftësitë e saj të mbrojtjes brenda territorit të saj dhe do të vazhdojë të mbështesë Ukrainën në përpjekjet për të mbrojtur veten nga agresiviteti rus.
"Sapo fola me Presidentin e Rumanisë në lidhje me dronin rus që goditi një ndërtesë banimi në Galati. E sigurova për solidaritetin absolut të NATO-s me Rumaninë dhe shpreha keqardhje për të plagosurit në incident. Pohova se NATO është gati të mbrojë çdo centimetër të territorit aleat. Ne do të vazhdojmë të rrisim gatishmërinë tonë për të penguar dhe mbrojtur kundër çdo kërcënimi, përfshirë edhe nga dronët.
Sjellja e pamatur e Rusisë është një rrezik për të gjithë ne. Ata vazhdojnë të synojnë civilët dhe infrastrukturën civile në të gjithë Ukrainën. Dhe mbrëmë treguan edhe një herë se implikimet e luftës së tyre të paligjshme të agresionit nuk ndalen në kufi.", tha Rutte.
I just spoke with President @NicusorDanRO of Romania about the Russian drone that hit a residential building in Galati. I assured him of NATO’s absolute solidarity with Romania and expressed sympathy for those injured in the incident. I affirmed that NATO stands ready to defend…
— Mark Rutte (@SecGenNATO) May 29, 2026
Si ndodhi sulmi në Rumani?
Një dron rus goditi një ndërtesë banimi në qytetin Galați të Rumanisë, duke shkaktuar zjarr dhe plagosjen e dy personave, njoftuan autoritetet rumune në orët e para të së premtes, 29 maj.
Sipas Ministrisë rumune të Mbrojtjes, droni u rrëzua pranë kufirit me Ukrainën, ndërsa Rusia po kryente sulme ajrore në territorin ukrainas. Shpërthimi shkaktoi zjarr në katin e 10-të të pallatit, ndërsa rreth 70 banorë u evakuuan nga zona.
Shërbimet e emergjencës konfirmuan se dy persona morën ndihmë mjekësore për plagë të lehta. Ky është rasti i parë që qytetarë rumunë lëndohen nga incidente të lidhura me dronët rusë që prej nisjes së luftës në Ukrainë.
Ministria e Jashtme e Rumanisë e dënoi ashpër sulmin, duke e cilësuar atë si “një përshkallëzim serioz dhe të papërgjegjshëm nga ana e Federatës Ruse”.
Bukureshti njoftoi gjithashtu NATO-n për incidentin dhe kërkoi përshpejtimin e furnizimit me sisteme kundër dronëve.
Edhe NATO reagoi ndaj ngjarjes, duke dënuar “papërgjegjshmërinë e Rusisë” dhe duke theksuar se aleanca do të vazhdojë forcimin e mbrojtjes ajrore kundër kërcënimeve me dronë.
Autoritetet rumune bënë të ditur se dy avionë luftarakë F-16 u ngritën menjëherë pasi dronët u identifikuan në hapësirën ajrore të vendit.
Ministria e Punëve të Jashtme e Rumanisë thirri ambasadorin e Federatës Ruse në Bukuresht, pas incidentit ku një dron u rrëzua mbi një ndërtesë banimi në Galaçi.
“Siguria e Rumanisë mbetet prioriteti ynë absolut. Ministria e Mbrojtjes ka konfirmuar se droni i rrëzuar në Galaçi është me origjinë ruse”, thuhet në deklaratën zyrtare të autoriteteve rumune.
Sipas MPJ-së, vendimi për thirrjen e ambasadorit rus u mor për shkak të seriozitetit të incidentit, ndërsa pala rumune pritet të komunikojë zyrtarisht pasojat dhe qëndrimin e saj diplomatik lidhur me ngjarjen.
Mire shume Europa më note proteste e mbetemi me shprese të resolutes Ne: 10,000,001 e tutje.