FLASH
Shkruar nga Pamfleti
Një ndërtesë 2-katëshe është përfshirë nga flakët në rrugën “Ali Pashë Tepelena” në Memaliaj. Sipas informacioneve paraprake, zjarri ka rënë në orët e para të mëngjesit.
Nga zjarri në katin e dytë, u dogjën plotësisht 3 apartamente, ndërsa 3 apartamente të tjera u prekën pjesërisht nga flakët.
Ndërhyrja e forcave zjarrfikëse mundësoi fikjen e zjarrit dhe shpëtimin e banesave të tjera në pallat. Të gjithë banorët e pallatit u evakuuan deri në përfundim të operacionit të shpëtimit.
Fatmirësisht nuk raportohet për banorë të lënduar nga zjarri.
Shkak për zjarrin dyshohet të jetë lënia në punë gjatë natës e pajisjeve ngrohëse.
Lini një Përgjigje