FLASH
Shkruar nga Pamfleti
Janë zbardhur emrat për të cilat SPAK ka lëshuar urdhër arreste ditën e djeshme pas Vangjush Dakos.
Bëhet fjalë Adhurim Qehajajn, Adrian Bulkun, Fiqiri Farukun, Ermal Laman, Fatmir Ejupin, Adnan Tocillën, si edhe Meri Seminin.
Gjithashtu urdhër arrest nga SPAK u lëshua edhe për Ferzilet Hajdërin dhe Djana Dedjan.
Dako u vetëdorëzua në Drejtorinë e Policisë së Tiranës.
Vetëm katër ditë më parë, Vangjush Dako u thirr në dyert e SPAK ku u pyet rreth katër orë. Dyshohet se çështja ka të bëjë me një ndërtim që ka pësuar dëmtime të rënda nga tërmeti.
Dhënia e lejes së ndërtimit për një pallat në Durrës, ku për 11 kate leja nuk u zbardh, çoi në pranga Dakon që mbajti pezull zbardhjen e lejes. Ndërtuesi vijoi punën dhe ndërtoi edhe katër kate të tjera shtesë përtej, pas këtij momenti u zbardh leja e pallatit të dëmtuar nga tërmeti i 29 nëntorit.
Episodi i dytë referuar një kallëzimi të KLSH për blerjen e projektit “promenada bregdetare” në 2014 dyshohet se i shkaktoi shtetit dëmin prej 180 milionë lekë të vjetra.
Vangjush Dako është i shpallur non-grata nga Shtetet e Bashkuara të Amerikës, për “përfshirjen e tij në raste të mëdha korrupsioni, ndodhet i arrestuar në ambientet e Drejtorisë së Policisë, aty ku ka mbërritur edhe avokati i tij Petrit Ismailaj dhe pritet të dalë para gjykatës.
Lista:
Vangjush Dako, ish kryebashkiaku
Adlei Likmeta, arkitekt i bashkisë
Roza Kovaçi
Edlira Kertusha, juriste tek Urbanistika
Adnand Tocila
Adhurim Qehajaj, ish drejtori i Urbanistikës
Fiqiri Farruku, ndërtuesi i pallatit
Lini një Përgjigje