FLASH
Shkruar nga Pamfleti
Për ditën e sotme vendi ynë do të vijojë të mbetet nën ndikim të kushteve atmosferike të paqëndrueshme. Moti parashikohet me vranësira si dhe intervale kthjellimesh, kryesisht në pjesën e dytë të ditës.
Reshjet e shiut do të jenë prezente që në orët e para të 24-orëshit me intensitet mesatar e lokalisht të lartë. Kjo situatë do të mbetet prezente deri në mëngjes e më pas gradualisht reshjet e shiut do të humbasin intensitet dhe territor.
Në orët e mbrëmjes reshjet do të ndërpriten në të gjithë vendin.
Era do të jetë nga veriperëndimi me shpejtësi mesatare 1-8m/sek, e cila hera-herës fiton shpejtësi deri në 10m/sek, duke bërë që valëzimi në detet të jetë i forcës 1-2 ballë.
Temperaturat parashikohen në zona malore 5 deri 14°C, në zona e ulëta 7 deri 20 °C dhe në zona bregdetare 10 deri 19 °C.
Lini një Përgjigje