FLASH
Shkruar nga Pamfleti
Ju ftojmë të ndiqni një bllok lajmesh me zhvillimet kryesore nga kronika e zezë, ku ndër të tjera veçojmë:
SPAK ka paraqitur prova të reja në dosjen “SASPAC” ndaj Ilir Beqajt, duke shtyrë seancën për më 6 maj, ndërsa avokatët kanë kërkuar kohë për shqyrtimin e materialeve.
Në çështjen tjetër ndaj Erion Veliajt, Apeli ka lënë në fuqi vendimin për afatet e paraburgimit, ndërsa Gjykata Kushtetuese pritet të shqyrtojë ankimimin e bashkëshortes së tij për kontrollet dhe sekuestrimet.
Një skemë mashtrimi online me vlerë 50 milionë euro është zbuluar nga autoritetet shqiptare dhe austriake, ku u përdorën identitete të rreme të figurave publike për investime fiktive.
Në GJKKO, Laert Haxhiu ka refuzuar përballjen me bashkëpunëtorin e penduar Artan Tafani, i cili ka rrëfyer episode kriminale të grupit të tij.
Ndërkohë, dosja “Revanshi” ka nisur gjykimin ndaj 8 të pandehurve, mes tyre edhe emra të njohur, të cilët nuk u paraqitën në seancën e parë dhe u përfaqësuan nga avokatët.
Në Tiranë është arrestuar një 39-vjeçar i armatosur me pistoletë, ndërsa në Sarandë policia po kërkon “Monçjen”, të dyshuar për plagosje me thikë.
Një tjetër zhvillim lidhet me pastrimin e parave, i cili ka arritur nivelin më të lartë të dekadës në Shqipëri, sipas INSTAT.
Në Tiranë, një apartament u shkrumbua nga zjarri, pa të lënduar, ndërsa në Greqi një 89-vjeçar hapi zjarr në institucione duke pretenduar dëshpërim për pensionin.
Lini një Përgjigje