FLASH
Shkruar nga Pamfleti
Në fotot e publikuara nga SPAK, bie në sy numri i madh i dosjeve që janë vënë në dysheme dhe tavolinë.
Kreu i SPAK, Altin Dumani ka pritur në takim Todd D. Robinson, Ndihmës Sekretarin e Departamentit të Shteteve të Bashkuara të Amerikës.
Fokusi i vizitës së zyrtarit amerikan është përcjellja e mesazhit se SHBA mbështet punën e Shqipërisë për forcimin sundimi i ligjit, luftimi i korrupsionit dhe krimit të organizuar dhe ndërtimi i institucioneve të forta.
Dumani ka bërë një pasqyrim të veprimtarisë së SPAK-ut lidhur me hetimin e krimit të organizuar dhe korrupsionit. Ndërsa Robinson tha se SHBA-të do të vazhdojnë që ta mbështetësin Strukturën Antikorrupsion në Shqipëri.
Altin Dumani falenderoi zotin Robinson për ndihmën dhe mbështetjen e vazhdueshme që Shtetet e Bashkuara të Amerikës i kanë ofruar SPAK.
Gjithashtu, kreu i SPAK theksoi rolin e përfaqësuesve të agjencive ligjzbatuese të Shteteve të Bashkuara të Amerikës që kanë luajtur në zhvillimin dhe bashkëpunimin ndërkombëtar me agjencitë ligjzbatuese partnere.
Në fotot e publikuara nga SPAK, bie në sy numri i madh i dosjeve që janë vënë në dysheme dhe tavolinë. Dumani i tregon zyrtarit të lartë amerikan se çfarë ndodh brenda ambienteve të institucionit është vështirë të shihet nga syri i publikut.
Njoftimi i SPAK:
Drejtuesi i Prokurorisë së Posaçme, zoti Altin Dumani, sot më datë 19.03.2024, në ambjentet e SPAK, priti zotin Todd D. Robinson, Ndihmës Sekretarin e Departamentit të Shteteve të Bashkuara të Amerikës, Zyrës Ndërkombëtare të Narkotikëve dhe Çështjeve të Zbatimit të Ligjit. Në takim morën pjesë gjithashtu edhe zonja Aida Hajnaj, Drejtori i Byrosë Kombëtare të Hetimit, zoti John C. Kastning, Drejtori i Byrosë Ndërkombëtare të Narkotikëve dhe Çështjeve të Zbatimit të Ligjit, si dhe përfaqësues nga Departamenti i Drejtësisë i Shteteve të Bashkuara të Amerikës (OPDAT).
Gjatë takimit, zoti Dumani, bëri një prezantim të veprimtarisë së Prokurorisë së Posaçme dhe treguesve të këtij institucioni mbi hetimin e krimit të organizuar dhe korrupsionit, ndërsa zonja Hajnaj u ndal tek funksionimi i Byrosë Kombëtare të Hetimit, dhe procesi i rivlerësimit të hetuesve të kësaj strukture.
Ndër të tjera, zoti Dumani falenderoi zotin Robinson për ndihmën dhe mbështetjen e vazhdueshme që Shtetet e Bashkuara të Amerikës i kanë ofruar SPAK, duke filluar që nga themelimi i kësaj Strukture dhe në vijimësi në procesin e konsolidimit dhe specializimit të saj. Zoti Dumani nënvizoi rolin e rëndësishëm dhe thelbësor që ekspertët e misioneve të asistencës dhe përfaqësuesve të agjencive ligjzbatuese të Shteteve të Bashkuara të Amerikës, kanë luajtur jo vetëm në zhvillimin e SPAK, por dhe në ndihmën e dhënë në bashkëpunimin ndërkombëtar me agjencitë ligjzbatuese partnere.
Nga ana tjetër, zoti Todd D. Robinson, vlerësoi ecurinë e punës dhe arritjet e Prokurorisë së Posaçme, duke theksuar se Qeveria e Shteteve të Bashkuara të Amerikës, riafirmon se mbështetja ndaj SPAK do të vijojë me të njëjtat ritme, me qëllim arritjen e objektivave ligjore të kësaj Strukture, që lidhen me luftën kundër korrupsionit dhe krimit të organizuar, me synimin e konsolidimit të shtetit ligjor dhe dhënies fund të kulturës së pandërshkueshmërisë.
Lini një Përgjigje