FLASH
Shkruar nga Pamfleti
Disa qytete të vendit kanë mbetur pa energji elektrike për rreth 30 minuta.
Pa drita kanë mbetur qytetet si: Tirana, Durrësi, Lezha, Shkodra, Kukësi, Saranda, Elbasani, Korça, Pogradeci.
Ndërkohë, në rrugët e Tiranës është shkaktuar kaos dhe trafik pasi semaforët ishin jashtë funksionit. Në zonat si: Pazari i ri, Lapraka, rruga e Elbasanit, Fresku, Komuna e Parisit, rruga e Kavajës, Vasil Shanto, Ali Demi, janë disa nga rrugët e qytetit ku është krijuar trafik.
Sipas njoftimit të OSHEE, 'black out-i' ka ardhur si shkak i dëmtimit të linjës së interkonjeksionit Shqipëri-Maqedoni.
Ndërkohë, sipas OST, defekti ka filluar nga linja e interkoneksionit me Greqinë dhe më pas ka vazhduar me efekt kaskadë në të gjithë vendin. Sipas njoftimit është identifikuar defekt edhe në linjën e Prizrenit. Nga kqyrja fillestare, rezulton se volumet e larta të transmetimit si dhe temperaturat ektreme kanë qenë shkaktarët e shkëputjes totale të linjave të transmetimit. OST po merr masa për rikthimin e energjisë elektrike te të gjithë konsumatorëve.
Ndërkohë, pas vendit tonë edhe shumë qytete në Bosnjë dhe Hercegovinë kanë mbetur pa energji elektrike.
Mediat e huaja raportojnë se disa pjesë të Malit të Zi kanë mbetur gjithashtu pa energji elektrike si: Budva, Bar, Risno, Podgoricë.
Sistemi i Shpërndarjes së Energjisë Elektrike malazeze (CEDIS) ka njoftuar se pothuajse e gjithë zona e Malit të Zi është pa energji elektrike. Sipas njofitmit, problemi është ndërprerja e rrjetit të sistemit të transmisionit malazez.
Lini një Përgjigje