FLASH
Shkruar nga Pamfleti
Ai tha se SPAK ka nën hetim shtatë persona që dyshohet se ndodhen atje, por nuk zbuloi emra konkretë, duke mos penguar kështu hetimin.
Kreu i Prokurorisë së Posaçme Altin Dumani ka zhvilluar një takim informal me gazetarët ku është përgjigjur për disa nga çështjet e nxehta të aktualitetit.
Dumani tregoi se sa persona të hetuar nga Prokuroria e Posaçme dyshohet se gjenden në Dubai.
Ai tha se SPAK ka nën hetim shtatë persona që dyshohet se ndodhen atje, por nuk zbuloi emra konkretë, duke mos penguar kështu hetimin.
A ka bërë SPAK një skanim sa persona janë në kërkim dhe strehohen në Dubai?
Dumani: Po për llogarinë e SPAK janë shtatë persona që dyshohen se gjenden në Dubai.
Ndërkohë kreu i SPAK ‘kurseu’ shumë komente lidhur me disa dosje të rëndësishme, si inceneratorët, shpërdorimin e fondeve të BE, çështjen Meta-Kryemadhi, ekstradimi duke u shprehur se janë çështje nën hetim për të cilat duhet të ruhet konfidencialiteti.
Javët e fundit ka qenë në fokus Ilir Meta dhe Kryemadhi. Çfarë statusi kanë këta dy persona?
Dumani: Çështja është në hetim, nuk mund te jap asnjë koment.
A ka zyrtarë të Ministrisë së Shëndetësisë në hetim?
Dumani- Është çështje në hetim, çdo e dhënë që paraqet interes për hetimin, prokurori duhet ta hetojë.
Për Ahmetajn, keni pasur shkëmbim me partnerët?
Dumani – Është konfidencalitet me autoritetet.
Për Durim Bamin, keni ngritur shqetësimin për ekstradimin, në çfarë faze është ekstradimi? Si do zgjidhet ngerçi?
Dumani- Kemi detyrim vetëm të bëjmë kërkesë për ekstradim.
Dumani po ashtu është shprehur se numri i prokurorëve të BKH duhet të rritet, ndërsa ka thekuar se së shpejti pritet të zgjidhet edhe zv.drejtori i BKH.
Lini një Përgjigje