FLASH
Shkruar nga Pamfleti
Ditën e premte vendi ynë do të ndikohet nga kushte atmosferike relativisht të qëndrueshme.
Sipas SHMU, moti parashikohet me alternime vranësirash mesatare dhe hera-herës deri të dendura në pjesën më të madhe të territorit. Pas orëve të mesditës parashikohet mot me kthjellime dhe vranësira kalimtare.
Në veriperëndim-perëndim, pjesërisht në qendër dhe në ekstremin jugor në orët e mëngjesit deri në orët e mesditës parashikohen reshje shiu të herëpashershme me intensitet të ulët të karakterit lokal.
Gjithashtu parashikohet mjegull /mjegullinë përgjatë zonave luginore në orët e mëngjesit e të mbrëmjes.
Era do të fryjë me drejtim verilindje– juglindje, me shpejtësi mesatare 5 m/s, përgjatë vijës bregdetare dhe zonat luginore era me shpejtësi deri në 9 m/s..
Deti - Valëzimi forcës 1-2 ballë.
Ndërkohë krahasuar me ditët e fundit, gjatë të premtes do të ketë një rritje të vlerave të temperaturave në të gjithë vendit, duke dalë nga zona e ngricave, sikundër ndodhi në dy javët e para të janarit.
Lini një Përgjigje