FLASH
Shkruar nga Pamfleti
Banorët e Rrjollit kanë dalë sërish në protestë para Kuvendit, ku kërkojnë që të mos preken pronat e tyre nga biznesmeni Bashkim Ulaj.
Ata u mblodhën pasditen e sotme me pankarta në duar dhe kërkuan reagim nga institucionet, duke deklaruar se nuk do të tërhiqen nga e drejta mbi tokën. Gjatë protestës, pjesëmarrësit shprehën shqetësimin për atë që e konsiderojnë ndërhyrje ndaj pronës së tyre.
Protestuesit u bënë thirrje edhe qytetarëve të tjerë që të bashkohen për të mbrojtur pasuritë.
“Kryeministri del e thotë se kanë letrat e falsifikuar, a ka shkuar ndonjë herë të shohë se çfarë ndodh në këto institucione tona”, u shpreh një qytetare.
Aksioni para Kuvendit vjen në një kohë kur çështja e pronave në zonë ka nxitur debat dhe reagime publike.
Autoritetet nuk kanë dhënë një reagim zyrtar mbi kërkesat e banorëve.
Lini një Përgjigje