FLASH
Shkruar nga Pamfleti
Ministrat e jashtëm të Ballkanit Perëndimor do të mblidhen në Irlandën e Veriut ne muajin tetor. Samiti që zhvillohet në kuader te procesit te Berlinit do ti beje bashke për të ndare konceptet qe promovojnë paqen dhe bashkëpunimin.
Vendet e Ballkanit Perëndimor dhe të Bashkimit Europian do të mblidhen në Irlandën e Veriut më 8 tetor, një takim që i paraprin Samitit të Procesit të Berlinit, i cili do të mbahet në Londër më 22 tetor. Takimi në Irlandën e Veriut, do të bëjë bashkë ministrat e jashtëm të Europës, dhe do të ministri i Jashtëm britanik David Lammy.
Ai do të presë më shumë se 15 homologë të tij përfshi edhe ministrin shqiptar, për të udhëhequr bisedimet që promovojnë paqen, stabilitetin dhe bashkëpunimin në Ballkanin Perëndimor, si dhe për të forcuar sigurinë kolektive të Evropës dhe për të luftuar krimin e organizuar dhe bandat e trafikimit të njerëzve.
“Kështjella e Hillsborough-ut është një kujtues prekës i fuqisë së diplomacisë për të transformuar konfliktin dhe ndarjen në paqe dhe bashkëpunim afatgjatë. Duke shfrytëzuar përvojën e Irlandës së Veriut, shpresojmë të mbështesim partnerët në Ballkan për të kapërcyer sfidat e së kaluarës nëpërmjet pajtimit kuptimplotë dhe për të ndihmuar në ndërtimin e një të ardhmeje të sigurt dhe të begatshme”, ka thënë ministri britanik, raporton "Euronews".
Britania e Madhe ka intensifikuar angazhimin me vendet e Ballkanit Perëndimor për të zbatuar Planin për Ndryshim, duke përfshirë shkatërrimin e rrjeteve të kontrabandës së njerëzve në kuadër të luftës kundër migracionit të paligjshëm.
Lini një Përgjigje