FLASH
Shkruar nga Pamfleti
Në krye të kësaj 'super ministrie' kryeministri kishte propozuar emrin e Blendi Gonxhes, i cili mbante deri sot postin, Drejtor i Drejtorisë së Transporteve.
Presidenti i Republikës, Bajram Begaj me propozim të Kryeministrit dekretoi emërimin e Blendi Gonxhjat si Ministër i Ekonomisë, Kulturës dhe Inovacionit.
Gjithashtu, Presidenti Begaj me propozim të Kryeministrit dekretoi sot shkarkimin e Elva Margaritit nga detyra e Ministres së Kulturës, si dhe dekretoi shkarkimin e Ervin Metes nga detyra e Ministrit të Financave dhe Ekonomisë.
Kështu me ndryshimet e reja të propozuara nga Rama, Ervin Mete, është emëruar në krye të Ministrisë së Financave, pas propozimit të Ramsë për shkëputjen e digasterit të Ekonomisë.
Kujtojmë se pak ditë më parë, kryeministri Rama, përmes një njoftimi në rrjetet sociale, bëri me dije se Ministria e Kulturës do të shkrihet dhe bashkë me të do të largohet dhe Elva Margariti.
Rama sqaroi gjithashtu atë ditë se kishte propozuar krijimin e një ministrie të re, që do të quhej Ministria e Ekonomisë, Inovacionit dhe Kulturës. Pra duke i hequr Ekonominë nga kompetenca ministrit të Financave, Ervin Mete dhe rrudhur atij portofolin. Në krye të kësaj 'super ministrie' kryeministri kishte propozuar emrin e Blendi Gonxhes, i cili mbante deri sot, postin Drejtor i Drejtorisë së Transporteve.
Njoftimi i Presidencës:
Presidenti i Republikës, Sh.T. Z. Bajram Begaj me propozim të Kryeministrit dekretoi shkarkimin e zonjës Elva Margariti nga detyra e Ministres së Kulturës, si dhe dekretoi shkarkimin e zotit Ervin Mete nga detyra e Ministrit të Financave dhe Ekonomisë.
Gjithashtu sot, Presidenti i Republikës, Sh. T. Z. Bajram Begaj me propozim të Kryeministrit dekretoi emërimin e zotit Ervin Mete në detyrën e Ministrit të Financave si edhe dekretoi emërimin e zotit Blendi Gonxhja si Ministër i Ekonomisë, Kulturës dhe Inovacionit.
Lini një Përgjigje