FLASH
Shkruar nga Pamfleti
Chris LaCivita, i cili është zgjedhur si drejtues i fushatës së Partisë Demokratike në zgjedhjet e 11 majit, është përfshirë në replica me gazetarin e New York Times, Kenneth P. Vogel. Ky i fundit përmes një postimi në rrjetin “X” akuzon LaCivitan se nuk është regjistruar për të lobuar për ish-kryeministrin Sali Berisha, i cili është shpallur non grata nga SHBA për korrupsion.
Por LaCivita në reagimin e tij thekson se ai nuk ka nevojë të regjistrohet, pasi nuk po lobon për Berishën, por se është konsulent për fushatën e PD-së për zgjedhjet parlamentare të 11 Majit.
Ai i kujton gazetarit të NYT që po bën të njëjtën punë siç kanë bërë qindra konsulentë demokratë, por që gazetari sipas tij, nuk do t’i përmendte kurrë.
i don’t know what point you are trying to make with the bullshit tweet YOU KNOW I don’t have to register because i am not lobbying - doing elections in foreign countries doesn’t require it - just like hundreds of democrat consultants have done - but you would never mention https://t.co/a4bATMHuuo
— Chris LaCivita (@ChrisLaCivita) February 19, 2025
Më herët në një intervistë për New York Times, LaCivita e karakterizoi punën e tij si një vijimësi të asaj që ai bëri për ta ndihmuar Presidentin Trump drejt fitores.
“Unë po eksportoj atje idetë e fushatës së MAGA-s, pra ta bëjmë Shqipërinë të Madhe përsëri! Është në përputhje të natyrshme me idetë tona sesi të mundim një socialist në pushtet në Shqipëri që është një peng dhe kukull e familjes Soros”.
LaCivita argumenton se shpallja non grata e zotit Berisha nga ish-administrata e Biden ishte e motivuar politikisht.
Ai mendon se përvoja e Berishës përafrohet me atë të zotit Trump. LaCivita, mendon se pas sanksioneve dhe pretendimeve te pabazuara ndaj Berishës qëndron megadonori i të majtëve amerikanë George Soros.
“Unë nuk loboj. Unë bëj fushata, dhe kjo është ajo që po bëj, shumë e drejtpërdrejtë”, tha ai.
Lini një Përgjigje