FLASH
Shkruar nga Pamfleti
Në lartësitë mbi 1000 metra në Lindje dhe Juglindje priten reshje dëbore; temperaturat mbeten të ulëta në zonat malore
Ditën e martë, vendi pritet të ndikohet nga kushte atmosferike të paqëndrueshme, ku në të gjitha qarqet parashikohen reshje të dobëta shiu. Sipas të dhënave meteorologjike nga Instituti i Gjeoshkencave, në zonat Lindore dhe Juglindore, në lartësitë mbi 1000 metra mbi nivelin e detit, reshjet do të jenë në formën e dëborës.
Temperaturat e ajrit do të shfaqin diferenca sipas zonave gjeografike. Në bregdet, vlerat minimale pritet të zbresin në 9°C, ndërsa maksimalet do të arrijnë deri në 17°C.
Në zonat e ulëta, temperaturat do të luhaten nga 5°C në mëngjes deri në 18°C gjatë ditës. Ndërkohë, në zonat malore, temperaturat minimale do të zbresin në 1°C, ndërsa maksimalet nuk pritet të kalojnë 11°C.
Era parashikohet të fryjë e lehtë deri mesatare në pjesën më të madhe të territorit, por për periudha të shkurtra mund të intensifikohet, sidomos në zonat malore dhe përgjatë vijës bregdetare.
Lini një Përgjigje