FLASH
Shkruar nga Pamfleti
Drejtoria e Përgjithshme e Burgjeve ka njoftuar për ndryshime në zinxhirin komandues në institucionet e vuajtjes së dënimit në Fushë-Krujë dhe Durrës.
Në IEVP Fushë-Krujë, drejtori Apostol Luca është liruar nga detyra, ndërsa në vend të tij është emëruar Ervis Dedej, i cili ka një eksperiencë të gjatë në sistemin penitenciar. Po ashtu, në postin e Shefit të Policisë është caktuar kryekomisar Fatjon Sadikaj, me mbi 20 vite përvojë në Policinë e Burgjeve.
Ndërkohë, në IEVP Durrës, detyrën e drejtorit do ta mbajë Serjan Mazrreku, i cili vjen me përvojë në administratë dhe në fushën ligjore. Në të njëjtin institucion, Shef i Policisë është emëruar kryekomisar Florian Masha, me një karrierë të gjatë në Policinë e Shtetit.
Sipas njoftimit zyrtar, këto ndryshime synojnë forcimin e përgjegjshmërisë, rritjen e kontrollit dhe vendosjen e standardeve më të larta në funksionimin e institucioneve penitenciare.
"Në kuadër të rritjes së sigurisë dhe përmirësimit të menaxhimit në sistemin penitenciar, janë ndërmarrë ndryshime në drejtimin e disa Institucioneve të Ekzekutimit të Vendimeve Penale.
Në IEVP Fushë-Krujë është riorganizuar zinxhiri komandues, duke u liruar nga detyra drejtori Apostol Luca. Në këtë detyrë është emëruar z. Ervis Dedej, me eksperiencë të gjatë në sistemin e burgjeve. Gjithashtu, Shef i Policisë është emëruar kryekomisar Fatjon Sadikaj, me mbi 20 vite përvojë në Policinë e Burgjeve.
Ndërkohë, në IEVP Durrës është emëruar drejtor z. Serjan Mazrreku, me eksperiencë në administratë dhe në fushën ligjore, si dhe Shef i Policisë kryekomisar Florian Masha, me karrierë të gjatë në radhët e Policisë së Shtetit.
Këto lëvizje synojnë forcimin e përgjegjshmërisë, rritjen e kontrollit dhe vendosjen e standardeve më të larta në funksionimin e institucioneve penitenciare.", thuhet në njoftimin e drejtorisë së burgjeve.
Lini një Përgjigje