FLASH
Shkruar nga Pamfleti
Rubio, Sekretari i Mbrojtjes Pete Hegseth dhe Sekretari i Sigurisë Kombëtare Kristi Noem, si dhe këshilltari për sigurinë kombëtare të Trump, Michael Ëaltz, një ish-ushtar i forcave speciale amerikane që luftoi në Afganistan, janë ndër ata që pritet të marrin një vendim përfundimtar, thanë burimet.
Pasi pezulloi procedurat lidhur me zhvendosjen e afganëve drejt SHBA, administrate Trump po shqyrton mundësinë e mbylljes së zyrës në Departamentin e Shtetit që kishte si rol zhvendosjen e mijëra afganëve drejt Amerikës.
Të shpërndarë në disa shtete, mes të cilëve edhe Shqipëria, tashmë nuk dihet se çfarë do të ndodhë me fatin e tyre, nëse në fund të marsit merret vendimi për mbylljen e zyrës mbikqyrëse.
Plani konfirmohet së paku nga 4 burime, një zyrtar amerikan dhe një avokat, por edhe nga dy persona të tjerë që kanë njohuri mbi direktivën. Dhe nëse mbyllja e zyrës miratohet, atëherë përfundimit bllokohet transferimi i rreth 200 mijë afganëve në SHBA.
I pyetur pak ditë më parë, Kryeministri Edi Rama tha se kushdo që do të dojë të qëndrojë në Shqipëri do të jetë i lirë ta bëjë një gjë të tillë.
“Nuk do të ketë asnjë problem me refugjatët afganë që jetojnë në Shqipëri. Nëse duan të qëndrojnë në vendin tonë, mund ta bëjnë këtë, nuk mund të kthehen në vendin e tyre dhe të ndalojnë dhunën. Këto nuk janë shifra të mëdha për ne, janë vetëm disa qindra njerëz”, tha ai.
Anëtarët e familjeve të personelit ushtarak amerikan afgano-amerikan, fëmijët e lejuar për t'u ribashkuar me prindërit e tyre, të afërmit e afganëve tashmë të pranuar dhe dhjetëra mijëra afganë që kanë punuar për qeverinë amerikane gjatë luftës 20-vjeçare, janë ndër ata që mund penalizohen nëse zyra mbyllet, tha avokati dhe zyrtari amerikan.
"Mbyllja e kësaj zyre do të ishte një turp kombëtar, një tradhti ndaj aleatëve tanë afganë, e veteranëve që luftuan për ta dhe e fjalës së Amerikës," tha Shawn VanDiver, themeluesi i #AfghanEvac, koalicioni kryesor i veteranëve dhe grupeve avokuese dhe të tjerëve që koordinojnë zhvendosjet me qeverinë amerikane.
Shtëpia e Bardhë dhe Departamenti Amerikan i Shtetit nuk iu përgjigjën menjëherë kërkesave për koment, shkruan Reuters.
Zhvillimi vjen pasi administrata u kërkon ambasadave në mbarë botën të përgatisin shkurtime të stafit sipas një direktive të Presidentit të SHBA Donald Trump për të reformuar trupin diplomatik dhe DOGE, zyra që drejtohet nga miliarderi Elon Musk, po bën përpjekje për të ulur me 2 trilionë dollar shpenzimet.
Zyra e Koordinatorit për Përpjekjet për Zhvendosjen Afgane, CARE, u krijua gjatë tërheqjes kaotike të SHBA nga Afganistani në gusht 2021 si një përpjekje e përkohshme për t'u zhvendosur drejt SHBA-së afganët në rrezik nga hakmarrja e talebanëve, sepse ata punuan për qeverinë amerikane gjatë luftës.
VanDiver, zyrtari amerikan dhe dy burimet thanë se nuk e dinin se kush e urdhëroi CARE të fillonte zhvillimin e opsioneve për mbyllje.
Këto opsione do të përfshijnë mbylljen e qendrave të përpunimit të CARE në Katar dhe Shqipëri, ku rreth 3,000 afganë të verifikuar për zhvendosjen në SHBA si refugjatë ose mbajtës të vizave speciale të imigracionit (SIV) kanë mbetur të bllokuar për javë ose muaj.
Ata në qendra, duke përfshirë më shumë se 20 të mitur të pashoqëruar të detyruar për t'u bashkuar me prindërit, jetojnë në banesa modulare. Ata marrin ushqim dhe "mbështetje të tjera jetësore", por një ngrirje e ndihmës së huaj me urdhër të Trump ka përfunduar programet për shëndetin mendor dhe fëmijët, tha një burim.
Sipas burimeve, opsionet për mbylljen e CARE janë duke u përgatitur për Sekretarin e Shtetit Marco Rubio.
Rubio, Sekretari i Mbrojtjes Pete Hegseth dhe Sekretari i Sigurisë Kombëtare Kristi Noem, si dhe këshilltari për sigurinë kombëtare të Trump, Michael Ëaltz, një ish-ushtar i forcave speciale amerikane që luftoi në Afganistan, janë ndër ata që pritet të marrin një vendim përfundimtar, thanë burimet.
“Padyshim që po shqyrtohen të gjitha opsionet (për mbylljen e CARE),” tha burimi i dytë.
Operacionet e evakuimit dhe zhvendosjes kanë ngecur që kur Trump, i cili nisi një goditje ndaj imigracionit, pas marrjes së detyrës në janar, ndaloi për një periudhë 90 ditore programin e refugjatëve dhe të ndihmës së huaj.
Trump urdhëroi rishikime për të përcaktuar efikasitetin e programeve të refugjatëve dhe të ndihmës së huaj dhe për të siguruar që ato të përputhen me politikën e tij të jashtme.
Pas kontrolleve rigoroze të historikut, SIV-të u jepen afganëve që kanë punuar për qeverinë amerikane gjatë luftës më të gjatë të Amerikës.
Raportet e OKB-së thonë se talebanët kanë burgosur, torturuar dhe vrarë afganë që luftuan ose punuan për ish-qeverinë e mbështetur nga Perëndimi. Talebanët mohojnë akuzat, duke vënë në dukje një amnisti të përgjithshme të miratuar për ish-ushtarët dhe zyrtarët e qeverisë.
Një mbyllje e përhershme e CARE dhe operacioneve “Enduring Ëelcome” që ajo mbikëqyr mund të lërë deri në 200,000 afganë pa shtigje kalimi drejt SHBA, thanë VanDiver dhe zyrtari amerikan.
Këto përfshijnë rreth 110,000 afganë në Afganistan, aplikimet e të cilëve për SIV dhe statusin e refugjatit janë duke u shqyrtuar dhe rreth 40,000 të tjerë që janë verifikuar dhe lejohen për fluturime në Doha dhe Tiranë përpara se të udhëtojnë në SHBA.
Rreth 50,000 afganë të tjerë janë të burgosur në gati 90 vende të tjera – rreth gjysma në Pakistan – të miratuar për zhvendosje në SHBA ose në pritje të SIV ose përpunimit të refugjatëve, thanë ata. /Pamfleti/
Lini një Përgjigje