FLASH
Shkruar nga Pamfleti
Instituti i Shëndetit Publik sqaron se në Tiranë nuk ka asnjë shpërthim fruthi në kopshtet apo institucionet parashkollore, duke hedhur poshtë raportimet e publikuara në disa media.
Sipas njoftimit zyrtar, nuk rezulton asnjë situatë e përhapjes së sëmundjes në këto institucione. ISHP u kërkon qytetarëve të mbështeten te informacionet zyrtare dhe të shmangin përhapjen e lajmeve të pasakta.
Instituti u bën thirrje prindërve të zbatojnë kalendarin kombëtar të vaksinimit dhe të sigurojnë vaksinimin në kohë të fëmijëve. Sipas institucionit, kjo mbetet masa kryesore për mbrojtjen e shëndetit individual dhe atij publik.
ISHP thekson se vaksinimi përbën mënyrën më të sigurt dhe më efektive për parandalimin e sëmundjeve infektive.
Reagimi i institucionit synon të sqarojë situatën dhe të shmangë paqartësitë lidhur me gjendjen epidemiologjike në kryeqytet.
Lini një Përgjigje